Agam Suttani Satikam Part 15 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 428

उद्देशक: ५, मूलं- ३७७, [भा. २०९८ ]
भुंजत अपरिहेण वा कुट्ठ-क्खयाति-सहिएण समं भुंजति तो चउलहुं विसंभोगो य । अन्नसंभोइएण समं भुंजति मासलहुं, तस्स वि तिन्नि दिने पाहुण्णं करेति ।। इमेण विधिणा
[भा.२०९९] ठवणाकुले व मुंचति, पुव्वगतो वा वि अहव संघाडं । अविसुद्ध भुंजगुरुगा, अविगडितेणं च अन्नेणं ।।
चू-ठवणकुले वा मुंचति, सड्डाइ ठवणकुलेसु वा पुव्वगतो दव्वावेति, अहवा संघाडयं देति । “अविगडियेणंच अन्नेणं” त्ति अह अन्नसंभोतिएण समं अनाभोतिए एगमंडलीए भुंजति तो मासलहुं तिन्नि वारा, परतो मासगुरुं विसंभोगे य । जो तं अविसुद्धं भुंजति तस्स चउगुरुगा । एवं जत्थ चउलहुगा तस्स तिन्निवारा आउट्टंतस्स चउलहुंचेव, चउत्थवाराए चउलहुगा विसंभोगो य। जो त अविसुद्धं भुंजति तस्स चउलहुगा । एवं जत्थ चउगुरुं तत्थ आउट्टंतस्स तिन्नि वारा चउगुरुं चेव, चउत्थवाराए छल्लहुं। जो तं सुंभुंजति तस्स चउगुरुं । एवं सव्वतवारिहेसु वत्तव्वं ॥ [ भा. २१००] समणि मणुण्णी छेदो, अमणुण्णी भुंजणे भवे मूलं । पासत्थे केयि छल्लहु, सच्छंदेणं तु छग्गुरुगा ।
चू- समणीए मणुण्णाए समं एगमंडलीए भुंजति छेदो, अन्नसंभोतिणीए मूलं, पासत्थादिगिहत्थेसु चउलहुयं, अहच्छंदे चउगुरुयं । केइ आयरिया भणंति-पसत्थाइगिहत्थेसु छल्लहं, अहच्छंदे छग्गुरुं । जहा साधूण सपपक्ख- परपक्खेसु भणियं, एवं संजतीण वि सपक्ख- परपक्खेसु वत्तव्वं ॥
४२५
·
"भुंजणे" त्ति गतं । इदानिं “निसिरणे” त्ति दारं
[भा. २१०१] समणुण्णस्स विधीए, सुद्धो निसिरंतो भत्त-पानं तु । अमणुन्नेतरसंजति, लहुओ लहुगा य गुरुगा य ॥
चू- समणुण्णो संभोतितो, तस्स आसन्ना बलियविधीए निसिरंतो सुद्धो । “अमणुन्नेयर" त्ति पासत्थाती गिहत्था य, अहाछंदा संजतीओ य । जहा संखं पच्छित्तं लहुओ लहुआऐ अधाच्छंदसंजतीसु गुरुगा । एवं संजतीण वि सपक्ख परपक्खेसु निसिरणं पच्छित्तं च वत्तव्वं ॥ [भा. २१०२ ] भुंजण वज्ज -पदाणं, कजे अणुण्णातु अधव थी- वज्जा । अन्ने भायण असती, इतरे व सति सढे वा वि ॥
वा भुंजे ॥
चू- अन्नसंभोइयाईणं भुंजणपदं वज्जेऊणं अन्नेसु सव्वपदेसु असिवादी- कज्जेसु अणुण्णा, भोयणे वि अणुण्णा, कारणे इत्थीओ मोत्तूण । "अन्ने” त्ति अन्नसंभोतिया, तेसिं भायणस्स असतीए । कहं पुण भायणस्स असती होज्जा ? तेसु सिया अन्नसंभोतियाण साहूण सगासमागता तेसिं च भायणाणि भरियाणि ताहे ओहेणालोएत्ता एगठ्ठे भुंजति । “इतरे” नाम पासत्थातीहि तेहिं समं एरिसा चेव भायणाण असती होज्जा ते वा साधूहिं समं भुंजेज्ज ।
अहवा - एरिसा चेव भायणा असतीए अन्नसंभोइयाहिं सणं संखडीए उवट्ठिया तत्थ तेन संखडित्तेण भोयणं सव्वेसिं निसट्टं, अन्नंसंभोतियाति भायणेसु गहियं "सढे वा वि" त्ति सढा भणेज्ज - “उड्डेह भायणाणि" जाहे भागो दिज्जति । अहवा - अम्हेहिं समं भुंजह ते जाणंति न एते अम्हेहि समं भुंजिहिंति, एवं भत्तपानं सव्वं अम्हं चेव होति, एते सढा नाऊणं भायणेसु वा गेण्हे