Agam Suttani Satikam Part 15 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 431

४२८८
निशीथ-छेदसूत्रम् -१-५/३७७ संजोग-विधि-विभत्ता, छट्ठाणा होंति कितिकम्मे ।। [भा.२११५] सुत्तं कड्डति वेट्टो, उट्ट-निवेसादि न तरती काउं।
आयामे पुण वेट्ठो, करोति बितिओ ससुत्तपरो॥ चू-जो साहू वारण गहितो उठेऊण निवेसिउं वा न सक्केति, हत्थावि से वातेण गहिता चालेऊण तरति, ताहे सो आवत्ते दाउं असत्तो णिविट्ठो चेव वंदणगसुत्तं अक्खलियादि प्रतिपदं कड्डति।सुत्तेत्ति गत ।इदानि “आयाम' त्ति अस्य व्याख्या-आयामे पच्छद्धं । उठेउं निवेसिउंवा अस्तो उवविठ्ठो चेव आवत्ते ससुत्ते करेउं तरति । अहवा - पूर्वात् (अ] क्लिष्टतरो यस्मात् सं सूत्रानावर्तान् करो॥
आयामे त्ति गतं । इदानि “सिरोनय" ति दारं, अस्य व्याख्या[भा.२११६]रातिनिय-सारिअतरणं, सिरप्पनामं करेति ततिओ उ।
महुरोगी आयामे, मुद्ध समत्तेऽधव गिलाणो । चू- कम्मि य गच्छे कस्स ति साहुस्स ओमरातिणिओ आयरिओ होज्ज, तेणं आयरिएणं . मज्झिमए वंदणए रातिनियस्स वंदणं दायव्वं, तेन य रातिनिएणं सो आयरिओ वुत्तओ होज्ज -मा तुमं मम वंदणयं देजह, मा सेहा परिभविस्संति त्ति काउं, ताहे सो सिरेणं पमाणं करेति, सुत्तं उच्चारेउं, सागारिए वा सुत्तं अनुच्चारेऊणं सिरप्पनामं करेति । “अतरणे" त्ति-गिलाणो, सो वि एवं चेव । “सिरोणयं" ति गयं । इदानि “मुद्धाणं" - समत्ते वंदणे जं आयरिओ पमाणं करेति एयं मुद्धाणं अह व असत्तो गिलाणो मुद्धमेव केवलं पनामेति, मुद्धाणं आवत्तं सूत्रादिवर्जिता मूर्ध्न एव केवला क्रिया इत्यर्थः ॥ “मुद्धाणं" ति गयं।
इयाणिं “सुत्तवजिउं" तिअस्य व्याख्या- “मुहरोगी आयामे" एस सव्वं उट्ठनिवेसावत्ताति करेति, मुहरोगे सुत्तं उच्चारेउं न सकेति, मणसा पुण कड्डति । छठे वि “संजोगद्दारे" संजोगा भाणियव्वा। [भा.२११७] जह चेवऽब्भुट्ठाणे, चउक्कभयमा तहेव कितिकम्मे ।
संजति संजयकरणे, न मुद्ध केई तुरयहरणं । चू-जहा अब्भुट्ठाणदारे वुत्तं तहेव इहं पि । चउक्कभयणा नाम - संजता संजताणं । संजया संजईण । संजतीओ संजयाण । संजतीओ संजतीण । सपायच्छित्तं जहा कितिकम्मे वि तहा कायव्वमित्यर्थः । जत्थ संजतीओ संजयाण कितिकम्मं करेंति तत्थ सव्वं उद्धट्ठिता सुत्तावत्ताइ करेंति, न मुद्धाणं ठिए रयहरणे पाडेति । इह केयी आयरिया भणंति- उद्घट्टिता चेव रयोहरणे सिरे पनामेंति, तं चेवतेसिं मुद्धाणं॥
कित्तिकम्मकरणे त्ति गतं । इयाणिं “वेयावच्चकरणे" ति दारं[भा.२११८]आहार उवहि विभत्ता, अधिकरण-विओसणा य सुसहाए।
संजोग-विहि-विभत्ता, वेयावच्चे विछट्ठाणा ॥ चू-अधिकरणं कलहो, तस्स विविधं ओसवणं विओसवणं ॥ [भा.२११९]ओसवणं अधिकरणे, सव्वेसु वि सेस जह उ आहारे ।
असहायस्स सहायं, कुसहाए वा जहा सीसे ॥