Agam 15 Upang 04 Pragnapana Sutra Shwetambar

Author(s): Purnachandrasagar
Publisher: Jainanand Pustakalay

Page 302

अट्ठफासाइंपि आ० विहाणमग्गणं पडुच्च कक्खडाइंपि जाव लुक्खाइंपि, जातिं फासतो कक्खडातिं ताई किं एगगुणकक्खडाई जाव अनंतगुणकक्खडाई आ० ?, गो० ! एगगुणकक्खडाईपि जाव अनंतगुणकक्खडाईपि आ०, एवं अट्ठवि फासा भाणितव्वा जाव अनंतगुणलुक्खाईपि आ०, जातिं भंते! अनंतगुणलुक्खाई ताई किं पुट्ठाई अपुट्ठाई आ० ? गो० ! पुठ्ठाई नो अपुट्ठाई आ०, जहा भासुद्देसए जाव णियमा छद्दिसिं आ०, ओसण्णं कारणं पडुच्चवण्णओ कालनीलातिं गंधओ दुभिगंधातिं रसओ तित्तकडुयाई फासओ कक्खडगुरुयसीयलुक्खाई, तेसिं पोराणे वण्णगुणे गंधगुणे रसगुणे फासगुणे विपरिणामइत्ता परिपीलइत्ता परिसाडइत्ता परिविद्धंसइत्ता अण्णे अपव्वे वण्णगुणे जाव फासगुणे उप्पाइत्ता आयसरीरखेत्तो गाढे मोग्गले सव्वष्पणयाए आहारं आहारेंति, नेरइया णं भंते! सव्वओ आहारेंति सव्वो परिणामंति सव्वओ ऊससंति सव्वओ नीससंति अभिक्खणं आहारेंति अभिक्खणं परिणामंति अभिक्खणं ऊससंति अभिक्खणं नीससंति आहच्च आहारेति आहच्च परिणामेति आहच्च ऊससंति आहच्च नीससंति?, हंता गो० ! णेरड्या सव्वतो आहारेंति एवं तं जेव जाव आहच्च नी०, नेरइया णं भंते! जे पोग्गले आहारत्ताते गिण्हंति ते णं तेसिं पोग्गलाणं सेयालंसि कतिभागं आहारेंति कतिभागं आसाएंति ?, गो० ! असंखेज्जतिभागं आ० अनंतभागं अस्सापति, नेरइया | णं भंते! जे पोग्गले आहारताते गिण्हंति ते किं सव्वे आहारेंति नोसव्वे आहारेंति?, गो० ! ते सव्वे अपरिसेसए आहारेति, नेरइया णं भंते! जे पोग्गला आहारत्ताए गिण्हंति ते णं तेसिं पोग्गला की सत्ताए भुज्जो २ परिणमेंति?, गो० ! सोतिंदियत्ताते जा फासिंदियत्ताते ॥ श्री प्रज्ञापनोपांगम् ॥
पू. सागरजी म. संशोधित
३११