Agam 07 Ang 07 Upashak Dashang Sutra Shwetambar

Author(s): Purnachandrasagar
Publisher: Jainanand Pustakalay

Page 36

Acharya Shri Kailashsagarsuri Gyanmandir
| पुरिसे अणायरिए अणायरियबुद्धी अणायरियाई पावाई कम्माई समायरइ जेणं मम जेष्टुं पुत्तं साओ गिहाओ नीणेइ त्ता मम अग्गओ | घाएइ ता जहा कथं तहा चिन्तेइ जाव गायं आइञ्च जेणं मम मज्झिमं पुत्तं साओ गिहाओ जाव सोणिएण य आइञ्चइ जेणं मम कणीयसं पुत्तं साओ गिहाओ तहेव जाव आइञ्चड़, जाविय णं इमा मम माया भद्दा सत्थवाही देवयगुरुजणणी दुक्करदुक्करकारिया तंपिय णं इच्छइ साओ गिहाओ निणेत्ता मम अग्गओ घाएत्तएं तं सेयं खलु मम एवं पुरिसं गिण्हित्तएत्तिकट्टु उद्धाइए सेऽविय आगासे उप्पइए तेणं च खम्भे आसाइए महया महया सद्देणं कोलाहले कए, नए णं सा भद्दा सत्यवाही तं कोलाहलसद्द सोच्या निसम्म जेणेव चुल्लणीपिया समणोवासए तेणेव उवागच्छइ ता चुल्लणीपियं समणोवासयं एवं व०- किण्णं पुत्ता! तुमं महया महया सद्देणं कोलाहले कए?, तए णं से चुल्लणीपिया समणोवासए अम्मयं भदं सत्यवाहिं एवं व० एवं खलु अम्मो ! न जाणामि केवि पुरिसे आसुरुते ० एगं महं नीलुप्पल० असिं गहाय ममं एवं व०- हंभो चुल्लणीपिया समणोवासया ! अपत्थियपत्थया ० वज्जिया जड़ णं तुमं जाव ववरोविज्जसि तए णं अहं तेणं पुरिसेणं एवं वुत्ते समाणे अभीए जाव विहरामि, तए णं से पुरिसे मम अभीयं जाव विहरमाणं पासइ ता मम दोच्चंपि तच्चपि एवं व० - हंभो चुल्लणीपिया समणोवासया ! तहेव जाव गायं आयञ्च, तए णं अर्हतं उज्जलं जाव अहियासेमि, एवं तहेव उच्चारेयव्वं सव्वं जाव कणीयसं जाव आयञ्चइ अहं तं उज्जलं जाव अहियासेमि, तए णं से पुरिसे मम अभीयं जाव पासइ त्ता मम चउत्थंपि एवं व०- हंभो चुल्लणीपिया समणोवासया! अपत्थियपत्थया जाव न भज्जसि तो ते अज्ज जा इमा माया गुरू जाव ववरोविज्जसि,
॥ उपासक दशांगं सूत्रं ॥
पू. सागरजी म. संशोधित
२५
For Private And Personal