________________
જીવનપરાગ
દિલ પરસ્પર આકર્ષાતા નથી. તેઓ આખરે ગૃહસ્થાશ્રમના પવિત્ર પથ પરથી ગબડી પડે છે અને હાયા ઢોરની જેમ અહીંતહીં રખડીને પોતાનું જીવન પૂરું કરે છે.
સમય જતાં શિવજીભાઈને ત્યાં ધણના (સીમંતના) ગીત ગવાયાં.
પુત્રીને જન્મ જેઠીબાઈએ પૂરા દિવસે એક પુત્રીને જન્મ આપ્યો, એથી બીજાની જેમ શિવજીભાઈનું નાક કે મુખ જરાયે મચકોડાયું ન હતું. એ તે કુદરતનો ખેલ છે એમ માની મીઠું હસ્યા હતા અને એ પુત્રીને ખૂબ વહાલ કર્યું હતું. તેનું નામ પાડયું નવલબાઈ.
પુત્રી નવલ અને જેઠીબાઈની વિદાય
જ્યારે નવલબાઈ એક વર્ષની થઈ અને કાલું કાલું બોલી માતાપિતાને તથા કુટુંબીજનોને આનંદ આપવા લાગી. ત્યારે કાળદેવની કુટિલ કરામત આગળ આવી અને તેણે જેઠીબાઈને આ દુનિયામાંથી કાયમને માટે ઉપાડી લીધા. શિરિષ પુષ્પ ઉપર વજ પ્રહાર જેવા આ બનાવે શિવજીભાઈનું હૃદય ભાંગીને ભૂકે કરી નાખ્યું અને જે સંસાર અત્યાર સુધી સુખને સાગર જણાતું હતું, તે દુઃખને સાગર થઈ પડ્યો. પિતાએ તથા સગાસંબંધીઓએ તેમને ખૂબ આશ્વાસન આપ્યું, પણ જેઠીબાઈ તેમની નજર આગળથી જરાયે દૂર થતા ન હતા. સારસીનું મૃત્યુ
