________________
આ. દેવશ્રી યશોભદ્રસૂરીશ્વરજી મ. સા.ની
બીજીવારનું વેવિશાળ શિવજીભાઈનાં હૃદયમાં જેઠીબાઈની સ્નેહભરી મધુર મૂર્તિ વિરાજી રહી હતી અને તે હજી જરાયે પ્લાન થઈ ન હતી, એટલે તેના સ્થાને બીજી મૂર્તિ બેસાડવાનું કામ અશક્ય હતું. બીજી બાજુ પરમ ઉપકારી વડીલની આમન્યા લેપવી એ પણ ખોટું હતું , એટલે તેઓ મૌન રહ્યા. આ મનને એક પ્રકારની સંમતિ માની પિતાજીએ તેમનું બીજી વારનું વેવિશાળ એક ખાનદાન ઘરમાં કર્યું. જેઠીબાઈના સ્વર્ગવાસ પછી પાંચમે દિવસે આ વેવિશાળ નકકી થયું હતું અને એક મહિને જાહેર થતું. હવે આગળ શી ઘટના બને છે, તે આપણે ધીરજથી નિહાળીએ.
શિવજીભાઈકામ પ્રસંગે પિતાના સ્નેહી અમદાવાદ હીરાભાઈને ત્યાં આવ્યા. હીરાભાઈ રોજ જિનેશ્વર પ્રભુની સેવા-પૂજા કરતા. હતા, પછી અમુક દહેરાસરે દર્શન કરવા જતા હતા અને ત્યારબાદ પાંજરાપોળના ઉપાશ્રયે જઈ વ્યાખ્યાન શ્રવણ કરતા હતા. વળી તેઓ સાધુ અને શ્રાવક ધર્મના સારા જાણકાર હતા અને યથાશકિત વ્રતનિયમોનું પાલન કરતા હતા. તેમની સાથે આપણા ચરિત્રનાયક પાંજરાપોળના ઉપાશ્રયે ગયા અને ગુરુ મહારાજને વંદન કરી વ્યાખ્યાન સાંભળવા બેઠા.
આ વ્યાખ્યાન આપનાર પૂજ્ય મુનિરાજ (સ્વ. આચાર્ય) શ્રી કસ્તુરવિજયજી મહારાજ હતા. તેમના મુખમાંથી ઝરી રહેલા નીચેના શબ્દો તેમના સાંભળવામાં આવ્યા.
