Vinshati Vinshika Sarth

Author(s): Haribhadrasuri, Kantivijay, Hembhushanvijay, Chandrabhushanvijay
Publisher: Paramshreddhay Prakashan

Page 14

સુકૃતતું તિમિત્ત
દીક્ષાયુગપ્રવર્તક પરમારાધ્યપાદ આચાર્ય ભગવંત શ્રીમદ્ વિજયરામચન્દ્ર સૂરીશ્વરજી મહારાજનાં અનુપમ સમર્પિત શિષ્યરત્ન આગમવાચના વિશારદ પૂજ્યપાદ આચાર્ય ભગવંત શ્રીમદ્ વિજય જિતમૃકસૂરીશ્વરજી મહારાજાનાં શિષ્યરત્ન તાત્ત્વિક પ્રવચનકાર પૂજ્ય આચાર્યદેવ શ્રીમદ્ વિજયચન્દ્રભૂષણસૂરિશ્વરજી મહારાજાનું તથા પરમ શ્રદ્ધેય સુવિશાલ ગચ્છાધિપતિ, વીરવિભુના ૭૯માં પટ્ટધર પૂજ્યપાદ આચાર્ય ભગવંત શ્રીમદ્ વિજયહેમભૂષણસૂરીશ્વરજી મહારાજાનાં શિષ્યરત્ન દીર્ઘસંયમી પૂજ્ય મુનિરાજશ્રી દિવ્યભૂષણવિજયજી મહારાજ સાહેબ આદિ ઠાણાનું વિ. સ. ૨૦૬૮નું ચાતુર્માસ અમારે આંગણે થયું.
સપ્તતિકા આધારે
પ્રવેશ દિવસથી પૂજ્યોનાં પ્રવચને પૂન્યાત્માઓ આકર્ષાયા. તેમાંય સમ્યકત્વ સમ્યકત્વનું સ્વરૂપ, મિથ્યાત્વની ભયંકરતા, મિથ્યાત્વનાં કારણે થતી આત્માની દુર્દશા, મિથ્યાત્વનાં ૧, ૫, ૧૦, ૨૧ પ્રકારોનું વિશદ વર્ણન, સમ્યક્ત્વની પ્રાપ્તિ માટે કઈ રીતે પુરુષાર્થ કરવો, અનાદિકાલીન ગ્રંથિનું વાસ્તવિક સ્વરૂપ સમજાવ્યું. ગ્રંથિભેદ વગર સમક્તિની પ્રાપ્તિ થતી નથી. તે માટે ગ્રંથિને ઓળખવી પડે છે. આજનાં ઘણા વિદ્વાનો જડરાગ અને જીવદ્વેષ સ્વરૂપે ગ્રંથિ માને છે. પરંતુ શુદ્ધમોક્ષમાર્ગ પ્રરૂપક પરમ ગુરુદેવે સમજાવ્યું કે - અનુકુળતાનો ગાઢ રાગ અને પ્રતિકુળતાનો ગાઢ દ્વેષ એનું નામ ગ્રંથિ. પૂજ્ય આચાર્ય ભગવંતે ગ્રંથિનાં આ વાસ્તવિક સ્વરૂપને યુક્તિ-હેતુપૂર્વક સુંદર રીતે સમજાવ્યું છે. ત્રણ કરણોનું કાર્ય, સમ્યક્ પ્રાપ્તિનો આનંદ તથા સમ્યક્ત્વનાં ૬૭ ભેદોનું વર્ણન વગેરે તત્ત્વ ભરપુર પ્રવચનોએ જનતાને મંત્રમુગ્ધ કરી.
-
દર રવિવારે ભીમસેન ચરિત્ર ગ્રંથાધારે ‘કર્મ નચાવે નાચ' નામે પ્રવચનોએ કમાલ કરી. તે પ્રવચનો દ્વારા જગતમાં બનતા બનાવોનું કારણ, કર્મ એટલે શું ? કર્મ કઈ રીતે કાર્ય કરે છે ? અને ભીમસેન રાજાના જીવનમાં ભૂતકાલીન કર્મ કેવી કેવી વિકટ પરિસ્થિતિઓ જન્માવે છે. ધર્મપ્રાપ્ત ભીમસેન રાજાનો પરિવાર આપત્તિ વખતે કેવા વિચાર કરે છે. પૂન્યોદય પ્રગટ થયા પછી પણ અભિમાનને આધીન ન થનાર ભીમસેન પરિવારનું જીવનદર્શન એવી લાક્ષણિક સ્વરૂપે થયું કે નાસ્તિકને પણ કર્મની શ્રદ્ધા થાય.