Sthananga Sutra Part 02

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 355

३३८
श्री स्थानांग सूत्र 000000000000000000000000000000000000000000000000000 उग्घाइए । जपणं समणे भगवं महावीरे एगं महं सुक्किलपक्खगं पुंसकोइलगं सुमिणे पासित्ता णं पडिबुद्ध, तण्णं समणे भगवं महावीरे सुक्कज्झाणोवगए विहरइ । जपणं समणे भगवं महावीरे एगं महं चित्तविचित्त पक्खगं पुंसकोइलगं सुमिणे पासित्ता णं पडिबुद्धे, तण्णं समणे भगवं महावीरे ससमयपरसमइयं चित्तविचित्तं दुवालसंगं गणिपिडगं आघवेइ, पण्णवेइ, परवेइ, दंसेइ, णिदंसेइ, उवदंसेइ तंजहा - आयारं जाव दिहिवायं । जपणं समणे भगवं महावीरे एगं महं दामदुगं सव्वरयणामयं समिणे पासित्ता णं पडिबुद्धे तण्णं समणे भगवं महावीरे दुविहं धम्मं पण्णवेइ तंजहा - अगारधम्मं च अणगारधम्मं च । जण्णं समणे भगवं महावीरे एगं महं सेयं गोवग्गं सुमिणे पासित्ता णं पडिबुद्धे तण्णं समणस्स भगवओ महावीरस्स चाउव्वण्णाइण्णे संघे तंजहा - समणा, समणीओ, सावया, सावियाओ। . ___जण्णं समणे भगवं महावीरे एगं महं पउमसरं सव्वओ समंता कुसुमियं सुमिणे पासित्ताणं पडिबुद्धे, तण्णं समणे भगवं महावीरे चउव्विहे देवे पण्णवेइ तंजहा - भवणवासी, वाणमंतरा, जोइसवासी, वेमाणवासी ।जण्णं समणे भगवं महावीरे एगं महं उम्मिवीइसहस्सकलियं महासागरं भुयाहिं तिण्णं सुमिणे पासित्ता णं पडिबुद्धे, तण्णं समणेणं भगवया महावीरेणं अणवदग्गे दीहमद्धे चाउरंत संसार कंतारे तिण्णे । जण्णं समणे भगवं महावीरे एगं महं दिणयरं तेयसा जलंतं सुमिणे पासित्ता णं पडिबुद्धे, तण्णं समणस्स भगवओ महावीरस्स अणंते अणुत्तरे णिव्वाघाए णिरावरणे कसिणे पडिपुण्णे केवलवरणाणदंसणे समुप्पण्णे । जपणं समणे भगवं महावीरे एगं महं हरिवेरुलियवण्णाभेणं णिययेणं अंतेणं माणुसुत्तरं पव्ययं सव्वओ समंता आवेढियं परिवेढियं सुमिणे पासित्ताणं पडिबुद्धे तण्णं समणस्स भगवओ महावीरस्स सदेवमणुयासुरे लोए उराला कित्तिवण्णसहसिलोगा परिगुव्वंति इइ खलु समणे भगवं महावीरे इइ । जपणं समणे भगवं महावीरे मंदरे पव्वए मंदरचूलियाए उवरि सीहासणवरगयं अत्ताणं सुमिणे पासित्ताणं पडिबुद्धे, तण्णं समणे भगवं महावीरे सदेवमणुयासुराए परिसाए मग्झगए केवलिपण्णत्तं धम्मं आघवेइ, पण्णवेइ जाव उवदंसेइ॥१३०॥
कठिन शब्दार्थ - छउमत्थकालियाए - छद्मस्थ अवस्था की, अंतिमराइयंसि - अन्तिम रात्रि में,