Simple and Effective Science For Self Realization Marathi

Author(s): Dada Bhagwan
Publisher: Dada Bhagwan Aradhana Trust

Page 6

आहे. पण पहिला मोक्ष इथेच झाला पाहिजे. माझा मोक्ष झालाच आहे ना! संसारात राहून संसार स्पर्शत नाही, असा मोक्ष व्हायला पाहिजे. या अक्रम विज्ञानामुळे असे होऊ शकते.
२. आत्मज्ञानामुळे शाश्वत सुखाची प्राप्ती प्रत्येक जीव काय शोधतो? आनंद शोधत आहे, परंतु क्षणभरही आनंद मिळत नाही. विवाह प्रसंगात गेलात किंवा नाटक बघायला गेलात परंतु परत दुःखं हे येतेच. ज्या सुखानंतर दुःखं येते त्यास सुख कसे म्हणावे? तो तर मूर्छितपणाचा आनंद म्हटला जाईल. सुख तर परमेनन्ट (कायमचे) असते. हे तर टेम्पररी (तात्पुरते) सुख आहे आणि ते सुद्धा काल्पनिक आहे, मानलेले आहे. प्रत्येक आत्मा काय शोधतो? नेहमीसाठी सुख, शाश्वत सुख शोधत असतो. ते 'ह्याच्यातून सुख मिळेल, त्याच्यातून मिळेल, गाडी घेतली तर सुख मिळेल.' असे करत राहतो पण तरीही सुख काही मिळत नाही. उलट अधिकाधिक झंझटीमध्ये गुंतला जातो. सुख स्वत:च्या आतच आहे, आत्म्यातच आहे. म्हणूनच आत्मा प्राप्त केला तर (सनातन) सुख प्राप्त होईल.
सुख आणि दुःखं जगात सर्वच सुख शोधतात पण सुखाची व्याख्या निश्चित करत नाहीत. सुख असे असले पाहिजे की त्या सुखानंतर पुन्हा कधीही दुःखं येणार नाही. असे एक तरीही सुख या जगात असेल तर शोधून काढ, जा. शाश्वत सुख तर स्वत:च्या आत-स्वमध्येच आहे. स्वत:च अनंत सुखाचे धाम आहे आणि तरी नाशवंत वस्तूंमध्ये लोक सुख शोधायला निघाले आहे!
सनातन सुखाचा शोध ज्याला सनातन सुख प्राप्त झाले, आणि त्यानंतर जर त्याला संसारिक