Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
आणि बाहेर तर कर्मांचे ओझे वाढतच राहते. तिथे तर केवळ अडचणीच समोर येतात. आम्ही तुम्हाला गॅरंटी देतो की जेवढा वेळ तुम्ही 'येथे' सत्संगात बसाल तेवढ्या वेळेसाठी तुमच्या काम-धंद्यात कधीही, काहीही नुकसान होणार नाही आणि तुम्ही जर हिशोब काढाल तर तुम्हाला आढळेल की एकंदरी फायदाच झाला आहे. हा सत्संग काय सामान्य सत्संग आहे ? केवळ आत्म्यासाठीच जो वेळ काढेल त्याला संसाराचे नुकसान कसे होऊ शकेल ? निव्वळ फायदाच होत असतो? पण हे जर त्याला समजले तर काम होईल ना ? या सत्संगात तो बसला म्हणून त्याचे येथे येणे असेच वाया जात नाही ? हा तर किती सुंदर काळ आला आहे ! भगवंताच्या काळात जर सत्संगाला जायचे असेल तर चालतच जावे लागत होते! आणि आज तर बस किंवा ट्रेनमध्ये बसले की लगेच सत्संगात पोहचू शकतो.
प्रत्यक्ष सत्संग ते सर्वश्रेष्ठ
येथे सत्संगात बसलेले असाल आणि जरी काहीही केले नाही तरी सुद्धा आत परिवर्तन होतच राहील. कारण हा सत्संग आहे, सत् अर्थात आत्मा, आत्म्याचा संग ! हे प्रकट झालेले सत् त्यांच्या संगमध्ये बसले आहात. हा अंतिम प्रकारचा सत्संग म्हटला जातो.
सत्संगात बसून राहिल्याने हे सर्व संपेल. सर्व संपुष्टात येईल. कारण आमच्या सोबत राहिल्यामुळे, आम्हाला (ज्ञानीला) पाहिल्याने आमच्या डायरेक्ट शक्ती प्राप्त होतात, त्यामुळे जागृति एकदम वाढते. सत्संगामध्येच राहता येईल असे काही आयोजन करायला पाहिजे. 'या' सत्संगाचा सतत साथ राहिला तर काम पूर्ण होऊन जाईल.
काम काढून घेणे म्हणजे काय ? जमेल तितके जास्त वेळ दर्शन घेणे. शक्य तेवढे जास्त सत्संगात येऊन प्रत्यक्ष ज्ञानींचा लाभ घ्यावा. प्रत्यक्ष ज्ञानींचा सत्संग. ते जर शक्य नसेल तर शेवटी त्यासाठी खेद व्यक्त करावा ! ज्ञानी पुरुषांचे दर्शन करायचे आणि त्यांच्याजवळ सत्संगात बसून राहायचे.
३१
