Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
सर्व भिंतीच आहेत! यात आपण समोरच्याचे काय बघायचे? आपण स्वतःच समजून घ्यायचे की ते भिंतीसारखेच आहेत. मग काहीच प्रश्न उरत नाही.
भिंतीला ओरडण्याची सत्ता आपल्याला आहे का? तसेच त्या समोरच्या व्यक्तीसाठीही आहे. आणि त्याच्या निमित्ताने जे संघर्ष होणार आहे, ते तर होणारच. ते काय सोडणार नाही, मग उगाच आरडाओरड करण्यात काय अर्थ ? त्याच्या हातात सत्ताच नाही! म्हणून तुम्ही भिंतीसारखे होवून जा ना! तुम्ही बायकोवर सारखे खेकसत राहिलात तर तिच्या आत पण परमेश्वर बसलेला आहे तो नोंद करेल की हा माझ्यावर खेकसतो. आणि ति जर तुमच्यावर खेकसत असेल तर तेव्हा तुम्ही त्या भिंतीसारखे होऊन जा, तर त्यावेळी तुमच्यात बसलेला परमेश्वर तुम्हाला मदत करेल.
___ एखाद्याबरोबर मतभेद होणे आणि भिंतीवर आपटणे या दोन्ही गोष्टी सारख्याच आहेत. या दोन्हीत फरक नाही. हा भिंतीवर आपटतो ते न दिसण्यामुळे आपटतो आणि मतभेद होतो ते सुद्धा न दिसल्यामुळेच होतो, पुढचे त्याला दिसत नाही. तिथे त्याला उपाय सुचत नाही त्यामुळे मतभेद निर्माण होतात. हे क्रोध-मान-माया-लोभ वगैरे जे करतात ते न दिसल्यामुळेच करतात! तर ही गोष्ट समजून घ्यायला हवी ना. ज्याला लागले त्याचा दोष, भिंतीचा त्यात काय दोष? असे या जगात सर्व भिंतीच आहेत. भिंतीवर आपटतो तेव्हा आपण तिच्याशी खरे-खोटे करायला जात नाही ना? की हे माझे खरे आहे' असे ठरवायच्या भानगडीत आपण पडत नाही ना? असे हेही सर्व भिंतीसारखेच आहे. त्यांचाशी खरे-खोटे करण्याची काही आवश्यकता नाही.
संघर्ष, ही अज्ञानताच आहे आपली संघर्ष होण्याचे कारण काय? अज्ञानता. जोपर्यंत कोणासोबतही मतभेद होत असतो ती तुमच्या निर्बलतेची निशाणी आहे, लोक चूकीचे नाहीत. मतभेदामध्ये चूक तुमचीच आहे. लोकांची चूक नसतेच. तो
