Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
परमेश्वराकडे कसे असते ?
परमेश्वर न्यायस्वरूप नाही तसेच अन्यायस्वरूपही नाही. कोणाला दुःखं होऊ नये हीच परमेश्वराची भाषा आहे. न्याय-अन्याय ही तर लोकभाषा आहे.
चोर, चोरी करण्यात धर्म समजतो, दानेश्वर दान देण्यात धर्म समजतो, ही लोकभाषा आहे, परमेश्वराची भाषा नाही. परमेश्वराकडे असे काहीच नाही. परमेश्वराकडे तर एवढेच आहे की, 'कोणत्याही जीवाला दुःखं होऊ नये, हीच आमची आज्ञा आहे !'
निजदोष दाखवतो अन्याय
फक्त स्वत:च्या दोषामुळे सर्व जग बेकायदेशीर ( अन्यायकारक ) वाटते. जग बेकायदेशीर कोणत्याही क्षणी नसते. पूर्णपणे न्यायसंगतच असते. इथल्या कोर्टाच्या न्यायात फरक पडू शकतो. तो खोटा ठरु शकतो पण निसर्गाच्या न्यायात मात्र फरक होत नाही.
आणि एका सेकन्दासाठी सुद्धा न्यायात बदल होत नाही. जर अन्यायी असते तर कोणी मोक्षाला गेलेच नसते. कोणी म्हणेल, की चांगल्या माणसांना अडचणी का येतात? पण इतर कोणीही अशी अडचण उभी करू शकतच नाही. कारण जर स्वतः कशातही हस्तक्षेप केला नाही, तर कोणाची हिंमत नाही की तुमचे नाव घेईल. आपण स्वतःच हस्तक्षेप केला होता म्हणून हे सारे घडले.
जगत न्याय स्वरूप
हे जग खोटे नाही. जग न्यायस्वरूप आहे. निसर्गाने कधीही अन्याय केलेला नाही. निसर्ग माणसाला कापून टाकतो, अपघात होतो, हे सारे न्यायस्वरूप आहे. न्यायाबाहेर निसर्ग जात नाही. विनाकारण अज्ञानतेमुळे लोक काहीही बोलत राहतात आणि जीवन जगण्याची
५०
