Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
कलाही अवगत नाही. नुसती चिंताच चिंता... म्हणून जे घडले, त्यास
न्याय म्हणा.
‘जे घडले तोच न्याय, ' हे जर समजले तर संपूर्ण संसारसागर पार होईल. या जगात एक सेकन्ड पण अन्याय होत नाही. न्यायच होत राहिला आहे. म्हणजे बुद्धी आपली फसगत करवते की, याला न्याय कसे म्हणता येईल ? म्हणून आम्ही मूळ गोष्ट सांगू इच्छितो की हे निसर्गाचे न्याय आहे, आणि बुद्धीपासून तुम्ही वेगळे होवून जा. अर्थात यात बुद्धी आपल्याला फसविते. एकदा समजून घेतल्यानंतर मग बुद्धीचे आपण ऐकायचे नाही. जे घडले तोच न्याय. कोर्टाच्या न्यायात चुकभूल होऊ शकते, परंतु ह्या न्यायात फरक होत नाही.
न्याय शोधून शोधून तर दम निघून गेला आहे. माणसाच्या मनात असे विचार येतात की मी याचे काय बिघडवले आहे, की तो माझे बिघडवत आहे ?
न्याय शोधायला निघाले म्हणून तर सर्वांना मार पडत आहे. यासाठी न्याय शोधूच नये. न्याय शोधल्यामुळे या सर्वांना मार खाऊन वळ उमटले तरी शेवटी झाले तर तेच. शेवटी होता तिथला तिथेच. तर मग आधिच का नाही समजून घ्यायचे ? ही तर केवळ अहंकारची दखल आहे.
विकल्पांचा अंत हाच मोक्षमार्ग
आता बुद्धी जेव्हा विकल्प करविते ना, तेव्हा बुद्धीला सांगावे की 'जे घडले तोच न्याय'. बुद्धी न्याय शोधते की माझ्यापेक्षा लहान आहेस, तरी माझी मर्यादा ठेवत नाही. मर्यादा ठेवली हाही न्याय आणि नाही ठेवली तोही न्याय. बुद्धी जितकी निर्विवाद होईल तितकेच आपण निर्विकल्प होऊ !
न्याय शोधायला निघाले म्हणजे विकल्प वाढतच जाणार आणि हा नैसर्गिक न्याय विकल्पांना निर्विकल्प बनवित जातो. जे 'घडले तोच न्याय'
५१
