Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
१४. दादांची पुस्तके तथा मेगेजीन वाचण्याचे महत्त्व आप्तवाणी, कशी क्रियाकारी !
ही ज्ञानी पुरुषाची वाणी आहे आणि ती सुद्धा ताजी आहे. आत्ताचे पर्याय आहेत म्हणून ती वाचताच आपले सर्व पर्याय बदलत जातात व आनंद उत्पन्न होत जातो. कारण ही वीतरागी वाणी आहे. राग-द्वेष विरहित वाणी असेल तरच काम होते अन्यथा काम होऊ शकत नाही. भगवंताची वाणी वीतराग होती त्यामुळे त्या वाणीचा प्रभाव आजपर्यंत पडत आहे. तर 'ज्ञानी पुरुषांच्या वाणीचा सुद्धा प्रभाव पडतो.' वीतराग वाणीशिवाय इतर कोणताही उपाय नाही.
प्रत्यक्ष परिचय शक्य नसेल तेव्हा
प्रश्नकर्ता: दादाजी, जर आम्हाला परिचयात राहता येत नसेल तर पुस्तके कितपर्यंत मदत करतात.
दादाश्री : ते सर्व मदत करतात. येथील ही प्रत्येक वस्तू दादांची, पुस्तकातील शब्द दादांचे आहेत, आशय दादांचा आहे, म्हणजे या सर्व वस्तू मदत करतात.
प्रश्नकर्ता: परंतु साक्षात परिचय आणि यात फरक आहे ना ?
दादाश्री : तसे जर पाहायला गेलो तर सर्वांमध्येच फरक असतो. म्हणून तुम्हाला ज्यावेळी जे उपलब्ध असेल ते करायचे. दादा नसतील तेव्हा काय कराल? तर दादांची पुस्तके वाचावित, पुस्तकात दादाच आहेत ना? नाहीतर डोळे मिटले की लगेच दादा दिसतील.
१५. पाच आज्ञांमुळे जगत निर्दोष.
आत्माज्ञानानंतर सुरूवात निजदोष दर्शनाची
'स्वरूप ज्ञाना' शिवाय तर (स्वत:ची ) चूक दिसतच नाही. याचे
३२
