Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
माहित नाही? आपण तिला सरळ करायची आणि पुढच्या जन्मी ती जाईल कोणा दुसऱ्याचाच वाट्याला!!
म्हणून तुम्ही तिला सरळ करू नका आणि तिनेही तुम्हाला सरळ करायचे नाही, जे मिळाले ते सोन्यासारखे! कोणाचीही प्रकृती कधीही सरळ होत नाही, कुत्र्याचे शेपूट वाकडे ते वाकडेच राहाते. म्हणून आपण सावध राहिलेल बरे. ती जशी आहे तशी ठीक आहे. 'एडजस्ट एवरीव्हेर'!
वाकड्यासोबत एडजस्ट व्हा व्यवहार तर त्यास म्हणतात की 'एडजस्ट' होता येत असेल. म्हणजे मग शेजारचाही म्हणतो की 'सगळ्यांच्या घरी भांडणं होत असतात पण या घरी मात्र कधीही भांडण होत नाही.' ज्याच्याशी आपले पटत नाही तिथेच शक्ती विकसीत करावी लागते. जिथे पटते तिथे तर शक्ती आहेच. पटत नाही हा तर कमकूवतपणा आहे. माझे सगळ्यांसोबत का जमते? जेवढे एडजस्टमेन्ट घ्याल तेवढी शक्ती वाढेल, आणि अशक्तिी दूर होईल. दुसऱ्या सगळ्या विपरीत समजूतींना कुलूप लागेल, तेव्हाच योग्य समज प्राप्त होईल.
सरळ-साध्या माणसांशी सगळे जण 'एडजस्ट' होतील पण वाकडे, कठोर, तापट स्वभाव असलेल्या माणसांशी, सगळ्यांशीच 'एडजस्ट' होता आले तर काम होईल. डोकं फिरुन तर चालणार नाही. जगातली कोणतीही वस्तू आपल्याला 'फिट'(अनुकूल) होत नसते, तेव्हा आपणच जर त्याला 'फिट' झालो तर हे जग सुंदर आहे. पण जर त्याला 'फिट' करायला गेलो तर ही दुनिया वाकडी आहे. म्हणून 'एडजस्ट एवरीव्हेर'.
आपल्याला गरज असेल तर समोरचा वाकडा असेल तरी त्याच्याशी समजूतीने व्यवहार करायला हवा. स्टेशनवर हमाल हवा असेल आणि तो पैशांसाठी वाद करीत असेल तर त्याला चार आणे जास्त देऊन सुद्धा त्याचे समाधान करावे. आणि जर तसे केले नाही, तर ती बॅग मग आपल्यालाच उचलावी लागेल ना!
३८
