Simple and Effective Science For Self Realization Marathi

Author(s): Dada Bhagwan
Publisher: Dada Bhagwan Aradhana Trust

Page 9

दादाश्री : आणि हे हात कोणाचे? प्रश्नकर्ता : हात पण माझेच आहेत.
दादाश्री : मग माझे डोके, माझे शरीर, माझे पाय, माझे कान, माझे डोळे असे सांगाल. या शरीराच्या सगळ्या वस्तूंना माझे म्हणतात, तेव्हा माझे म्हणणारे 'आपण' कोण आहात? याचा विचार नाही केला? 'My' नेम इज़ 'चंदुलाल' म्हणणार आणि मग बोलणार 'मी चंदुलाल आहे.' यात विरोधाभास नाही वाटत? (चंदुलालच्या जागी वाचकांनी स्वत:चे नाव समजायचे)
प्रश्नकर्ता : वाटत आहे.
दादाश्री : तुम्ही चंदुलाल आहात, पण याच्यात 'I' आणि 'My' दोन आहेत. हे 'I' आणि 'My' चे दोन रेल्वे लाइन वेगळ्याच असतात. परेललच (समांतर) असतात, कधीही एकत्र येत नाहीत. तरीपण आपण एकत्र मानता, याला समजून यातून 'My' ला सेपरेट करा. आपल्यात जो 'My' आहे त्याला एका बाजूला ठेवा. 'My' हार्ट, तर त्याला एका बाजुला ठेवा. या शरीरातून अजून काय काय सेपरेट करावे लागेल?
प्रश्नकर्ता : पाच इन्द्रिये.
दादाश्री : हो, सर्वच. पाच इन्द्रिये, पाच कर्मेन्द्रिये. आणि मग 'माय माईंड' म्हणतात की 'आय एम माईंड' म्हणतात?
प्रश्नकर्ता : 'माय माईंड' (माझे मन) म्हणतात. दादाश्री : माझी बुद्धी म्हणतात ना? प्रश्नकर्ता : हो. दादाश्री : माझे चित्त म्हणतात ना? प्रश्नकर्ता : हो.