Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
अगोदर चंदुभाऊ काय होते आणि आज चंदुभाऊ काय आहे हे समजता येते. हे परिवर्तन कसे घडते? तर आत्मनुभावामुळे. आगोदर देहाध्यासाचा अनुभव होता, आणि आता हा आत्मानुभव आहे.
प्रतीति म्हणजे मान्यता पूर्ण शंभर टक्के बदलली आणि 'मी शुद्धत्माच आहे' हीच गोष्ट निश्चित झाली. 'मी शुद्धात्मा आहे' अशी श्रद्धा बसते पण परत ती तुटते परंतु प्रतीति तुटत नाही. अर्थात् श्रद्धा बदलू शकते पण प्रतीति मात्र कधीही बदलत नाही.
प्रतिती म्हणजे समजा आम्ही येथे एक काठी ठेवली आता जर त्या काठीवर खूप दबाव आला तर ती जरा अशी वाकडी होईल परंतु स्थान सोडणार नाही. जरी कितीही कर्माचा उदय आला, अगदी वाईट उदय आला पण तरीही स्थान सोडणार नाही. 'मी शुद्धात्मा आहे' हे कधी लुप्त होणार नाही.
अनुभव, लक्ष आणि प्रतिती हे तीनही राहतील. प्रतिती नेहमीसाठी राहील. लक्ष कधी-कधी राहील. व्यापारात किंवा कुठल्यातरी कामात व्यस्त झाले की लक्ष हरवेल पण काम संपल्यावर ते पुन्हा प्राप्त होईल. अनुभव केव्हा येईल की जेव्हा काम वगैरे सर्वातून निवृत्त होऊन एकांतात बसले असाल तेव्हा अनुभवाचा स्वाद येईल. तसे अनुभव तर वाढतच जातो.
अनुभव लक्ष आणि प्रतिती पाया आहे. तो पाया बनल्यानंतरच लक्ष उत्पन्न होते, त्यानंतर 'मी शुद्धात्मा आहे' हे निरंतर लक्षात राहते. जेव्हा आरामात निवांत बसले असाल आणि काहीवेळेसाठी ज्ञाता-दृष्टा राहिले तेव्हा ते अनुभवात येते.
१३. प्रत्यक्ष सत्संगाचे महत्त्व गुंतागुंतीच्या समाधानासाठी सत्संगाची आवश्यकता या अक्रम विज्ञानाच्या माध्यमातून तुम्हाला देखील आत्मानुभवच
२७
