Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
प्रश्नकर्ता : ज्ञानबीज पेरले तोच प्रकाश आहे, तीच ज्योती आहे
का?
दादाश्री : हो, तोच! परंतु ते केवळ बीजरुपाने. आता हळूहळू पौर्णिमा होईल. पुद्गल आणि पुरुष वेगळे झाल्यानंतर खरा पुरुषार्थ सुरु होतो. आणि जिथे पुरुषार्थ सुरु झाला तिथे द्वितीयेपासून पौर्णिमेपर्यंत पोहोचेल. हो! आज्ञा पालन केल्यामुळे असे घडते. आणखी काही करायचे नाही, फक्त आज्ञांचे पालन करायचे आहे.
प्रश्नकर्ता : दादाजी, पुरुष झाल्यानंतरच्या पुरुषार्थाचे थोडे वर्णन सांगाल का? ती व्यक्ती मग व्यवहारात कशी वागत असते?
दादाश्री : हे सर्व व्यवहारातच आहे ना, आपले सर्व ज्ञान घेतलेले महात्मा पाच आज्ञांमध्ये राहतातच ना! पाच आज्ञा तेच दादा, तोच रियल पुरुषार्थ.
पाच आज्ञा पाळायचा हाच पुरुषार्थ. आणि पाच आज्ञा पाळण्याचा परिणाम स्वरूप काय होते? ज्ञाता-दृष्टा पदामध्ये राहता येते. आणि आम्हाला कोणी विचारले की खरा पुरुषार्थ काय? तर आम्ही सांगू ज्ञाता-दृष्टा राहायचे हाच. या पाच आज्ञा ज्ञाता-दृष्टा पदात राहण्याचेच शिकवतात ना!
आम्ही पाहतो जिथे जिथे ज्याने खऱ्या मनाने, हृदयापासून पुरुषार्थ सुरु केलेला आहे त्यांच्यावर आमची कृपा अवश्य असणारच. १२. आत्मानुभव तीन टण्यात, अनुभव-लक्ष-प्रतिती प्रश्नकर्ता : आत्म्याच्या अनुभवानंतर काय होते?
दादाश्री : आत्म्याचा अनुभव झाला म्हणजे देहाध्यास सुटला. देहाध्यास सुटला म्हणजे कर्म बांधायचे थांबले. याच्याहून अधिक काय हवे?
२६
