Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
कल्याण करू शकतात. जे संसारसागर पार उतरले तेच आपल्यालाही पार करू शकतात. तेथे लाखो माणस संसारसागर पार करू शकतात.
श्रीमद राजचंद्रांनी काय म्हटले आहे की 'ज्ञानी पुरुष' कोण ? ज्यांना किंचित मात्र, कुठल्याही प्रकारची स्पृहा नाही, जगातील कुठल्याही प्रकारची भिक नाही, उपदेश देण्याची सुद्धा ज्यांना भिक नाही, शिष्यांचीही भिक नाही, कोणाला सुधारण्याची भिक नाही, कुठलाही गर्व नाही, गारवता नाही, मालकी भाव नाही तेच ज्ञानी पुरुष.
७. ज्ञानी पुरुष - ए. एम. पटेल (दादाश्री)
दादाश्री : 'दादा भगवान,' चौदालोकाचे नाथ आहेत. ते तुमच्यातही आहेत, पण तुमच्यात प्रकट झालेले नाहीत. तुमच्यात अव्यक्त रूपात आहेत आणि इथे व्यक्त झालेले आहे, व्यक्त झाले ते फळ देतात. एकदा जरी त्यांचे नाव घेतले तरी काम होऊन जाईल असे आहे. परंतु ओळखून बोललो तर कल्याण होईल आणि सांसारिक गोष्टींची काही अडचण असेल तर ती देखिल दूर होईल.
हे दिसत आहे ते ‘दादा भगवान' नाहीत., हे जे दिसतात, त्यांना तुम्ही 'दादा भगवान' समजत असाल ना ? पण हे दिसणारे तर भादरणचे पटेल आहेत. मी 'ज्ञानी पुरुष' आहे आणि आत प्रकट झालेत ते दादा भगवान आहेत. मी स्वतः भगवान नाही. माझ्यात प्रकट झालेल्या दादा भगवानांना मी सुद्धा नमस्कार करतो. दादा भगवानांसोबत आमचा वेगळेपणाचाच (भिन्नतेचा) व्यवहार आहे. परंतु लोक असे समजतात की हे स्वत:च दादा भगवान आहेत. नाही, स्वतः दादा भगवान कसे असू शकतील? हे तर पटेल आहेत, भादरण गावचे.
(हे ज्ञान घेतल्यानंतर) दादाजींच्या आज्ञेचे पालन करणे म्हणजे ए.एम.पटेल यांची आज्ञा नाही. स्वतः दादा भगवान जे चौदालोकाचे नाथ आहेत, त्यांची आज्ञा आहे याची गॅरंटी मी देतो. हे तर माझ्या माध्यमातून
१५
