Book Title: Simple and Effective Science For Self Realization Marathi
Author(s): Dada Bhagwan
Publisher: Dada Bhagwan Aradhana Trust
View full book text
________________
कारण तो दोन्हींचे गुणधर्म जाणतो, की सोन्याचे गणधर्म असे आहेत आणि तांब्याचे गुणधर्म असे आहेत. तसेच ज्ञानी पुरुष आत्म्याचे गुणधर्म जाणतात आणि अनात्माचे गुणधर्म पण जाणतात.
जसे अंगठीमध्ये सोने आणि तांबे मिश्रण स्वरूपात असेल तर त्याला वेगळे करता येते. पण जर सोने आणि तांबे दोन्ही कम्पाउन्ड स्वरूप झालेले असेल तर त्यांना वेगळे करता येत नाही, कारण यामुळे गुणधर्म वेगळ्याच प्रकारचे होऊन जातात. अशाप्रकारे जीवाच्या आत चेतन आणि अचेतनचे मिश्रण आहे, ते कम्पाउन्ड स्वरूप नाही. म्हणूनच पुन्हा स्वतःच्या स्वभावाला प्राप्त करू शकता. कम्पाउन्ड झाले असते तर कळलेच नसते. चेतनचे गुणधर्म पण कळले नसते आणि अचेतनचे गुणधर्म पण कळले नसते आणि तिसरेच गुणधर्म उत्पन्न झाले असते. पण असे घडलले नाही. हे केवळ मिश्रण झाले आहे.
ज्ञानी पुरुष जगातील ग्रेटेस्ट सायंटिस्ट ज्ञानी पुरुष हेच जगातील ग्रेटेस्ट सायंटिस्ट (सर्वश्रेष्ठ शास्त्रज्ञ) आहेत तेच जाणत असतात आणि तेच आत्मा-अनात्माचे विभाजन करू शकतात. एवढेच नाही, तर तुमच्या पापांना जाळून भस्मिभूत (राख) करू शकतात, व दिव्यचक्षु देतात आणि हे जग काय आहे? कसे चालत आहे? कोण चालवित आहे ? इत्यादी सर्व स्पष्ट करून सांगू शकतात. तेव्हाच आपले काम पूर्ण होते.
करोडो जन्मांची पुण्याई उदयास येते तेव्हा ज्ञानीचे दर्शन घडू शकते. नाहीतर दर्शन कुठून होणार? ज्ञान प्राप्त करण्यासाठी 'ज्ञानी' ला ओळख, त्याशिवाय दुसरा कुठलाही मार्ग नाही. आणि शोधणाऱ्यांना ते भेटतातच.
६. ज्ञानी पुरुष कोण?
संत आणि ज्ञानीची व्याख्या प्रश्नकर्ता : हे जे सर्व संत होऊन गेलेत त्यांच्यात आणि ज्ञानी यांच्यामध्ये काय फरक आहे?
