Shastra Sandesh Mala Part 09

Author(s): Vinayrakshitvijay
Publisher: Shastra Sandesh Mala

Page 304

त्वया वशापाशशतैर्निबद्धो गजाश्वयोधैः परिरक्षितोऽभूत् / यः सार्वभौमो भरतः क्षणं मां निध्याय सोऽविन्दत बन्धमोक्षम् ये पाण्डवाः संयुगताण्डवेन घ्नन्तः स्वबन्धून् दयितास्तवासन् / विज्ञाततत्त्वास्त्वयि ते विरज्य प्रसाद्य मां वासमनाशमीयुः 7 / 298 स्त्रीब्रह्मतुगधेनुवधेन येन लेभे तवानीकपुरस्सरत्वम् / स नारकाणामतिथीभविष्यन्मोक्षं मयानायि दृढप्रहारी // 7 / 299 // कन्याशिरच्छेदकृता कृतान्तक्रूरेण येनानुसृतस्त्वमेकः / स मां शमाब्धेर्मुनितश्चिलातीसूनुः समासाद्य दिवं जगाम।। 7 / 300 // न शस्त्रं वास्त्रं च प्रभवति भवत्येतदुदितं, न मिथ्यावाक् तथ्या वसति हृदये कस्य न पुनः / ब्रवीम्येतद्भ्रातः समदमदवष्टम्भजमलं, . बलं येषां तेषु त्वमसि तृणवनेत्यपि मृषा // 7 / 301 // तवानीके ये केचन वचनवातिगबलास्त्वदने मत्सैन्यैः समिति निखिलास्ते खलु हताः / स्वयं तत्त्वं त्वष्टत्वगिव विटपी शुष्यसि रयाचिरं तिष्ठत्यम्भः परिशटितपालौ सरसि न . // 7 / 302 // त्वां जर्जरं जरानिघ्नं निघ्नतोऽपि न मे यशः / आर्द्रद्रुमं दहन् वह्निवीरो नीरसदारु न . // 7 / 303 // इति तद्वचसा क्रुद्धो वृद्धोऽपि तरुणायितः / निजां शस्त्रावली तस्मिन्मोहोऽवर्षत्प्रयत्नतः // 7 / 304 // भेत्तुकामा तमानञ्च कुण्ठतां निशितापि सा / दृढसारगुणे लोहशूची शूचीमुखे यथा // 7 / 305 // बाहूबाहवि वीरौ तावयुध्येतामथो मिथः / किमद्य भवितेत्यन्तः सारेकं वीक्षितौ सुरैः // 7 / 306 // . . . 205 .