Shastra Sandesh Mala Part 09

Author(s): Vinayrakshitvijay
Publisher: Shastra Sandesh Mala

Page 320

नातः परं ध्येयमिहास्ति किञ्चिन्नातः परं ज्ञेयमपि प्रसिद्धम् / नातः परं दैवतमस्ति किञ्चिन्नातः परं तीर्थमपि प्रतीमः 7456 नवं नवं तीर्थमिदं वदन्तो, मुग्धाशयास्ते भुवने भ्रमन्ति। येषां न विज्ञातमिदं स्वरूपं, सर्वापि भूरात्मविदां हि तीर्थम् 7 / 477 ध्माता यथा मृत्कनकत्वमेति, पिचुः पटुत्वं परिकमितो वा / सुसंस्कृतः सिद्धरसाभिधां च, सूतस्तथात्मा परमात्मभावम् 7478 मिथो मदाध्यातमनांसि तावद्रुह्यन्ति सर्वाण्यपि दर्शनानि / यावन्न विज्ञातमदः स्वरूपं, दृष्टात्मतत्त्वानि तु सोदरन्ति॥ 7 / 479 // विद्याऽनवद्या सहितामुना या, शेषा अविद्या भवचारपद्याः / विचित्रशास्त्रान्धतमिस्रमूढा, अध्यात्मवन्ध्याः कुगतौ पतन्ति // 7 / 480 // गेयाश्च कैरप्यपरैविगेयाः सर्वेऽपि भावा भुवनप्रसिद्धाः / अस्य स्वरूपं पुनराप्तलक्ष्यं, दूष्यं न केनापि सचेतनेन // 7481 // कृपीशसेवाव्यवसायपाशुपाल्याम्बुधिक्ष्माक्रमणाद्युपायाः / / सर्वेऽपि संदिग्धफला नराणां, स्वल्पापि सेवास्य पुनर्न मोघा कल्पद्रुमस्वर्मणिकामधेनु, सच्छङ्खमुख्या ददते कदापि / किञ्चित्क्वचित्कस्यचिदिष्टवस्तु, न सर्वदोऽस्मादपरः प्रतीत: 74483 तन्वन्ति चाटूनि सृजन्ति दास्यं धनाशया तद्धनिनामधीराः / यद्येकमेकाग्रममुं भजन्ते न दुर्लभं तत्रिजगत्प्रभुत्वम् // 7484 // अयं महामङ्गलमेष मन्त्रो, महोत्सवोऽयं सुकृताङ्गमेषः / अयं हि चिन्तामणिरेष रक्षौषधं नृणां बन्धुरबन्धुरेषः // 7485 // नीरूपं विश्वरूपं सकलमकलनं व्यक्तमव्यक्तमेकं, चानेकं पुण्यपापप्रकृतिमतिगतं योगिलक्ष्यं ह्यलक्ष्यम् / / भावाभावस्वभावं सगुणमपगुणं नायकं नायकानां, ध्येयानां ध्येयमेकं प्रणमत परमात्मानमिष्टार्थसिद्ध्यै // 7/486 // 311