Book Title: Shastra Sandesh Mala Part 02
Author(s): Vinayrakshitvijay
Publisher: Shastra Sandesh Mala
View full book text
________________ जारिसयं जं तित्थं मूलुत्तरगुणगणस्स सुद्धीए / सव्वे देसे चउभंगीगमणेण साय पयट्टव्वं // 1510 // पाणिवहमुसावायादत्तअबंभप्परिग्गहनिसाइं / उक्किट्ठजहन्नमज्झिम-दव्वाइ चउव्विहाऽविरई // 1511 // एवं दुवालसविहा इक्किक्का अविरईओ बिसयरी / मूलगुणे छठाणा सव्वम्मि पडिसेवणा चउहा // 1512 // देसम्मि उत्तरगुणे सत्तण्हं हुंति चुलसीभेयाणं / जईण पुण चरणकरणे नायव्वं आसयगुणेहिं // 1513 // तत्थ ववहारषणगं नाऊणं दिज्जए जहाजुग्गं / पुरिसाणं चउकण्णं छकण्णगं होइ इत्थीणं // 1514 // सा वि हु पवयणभत्ता पवित्तिणी वा हविज्ज तत्तुल्ला / गुरुपक्खागुणकरी जा दक्खाऽतुच्छासया इत्थी // 1515 // अपरिस्सावी धीरो दढसंघयणी निरासवो हियओ।। पवयणसुत्तत्थोभयविण्णू वुड्डो गुरू भणिओ // 1516 // विहियप्पकयालोय-लोयणो सोहणट्ठगुणजुत्तो / खंतो दंतो संतो णासंसी गाहणाकुसलो // 1517 // आलोयणपडिक्कमणमीसविवेगे तहा विउस्सग्गे / तवच्छेयमूलअणव-ट्ठया पारंचियं चेव // 1518 // आलोइज्जइ गुरुणो पुरओ कज्जेण हत्यसयगमणे / / समिइपमुहाण मिच्छा-करणे कीरइ पडिक्कमणं // 1519 // सद्दाइएसु रागाइवियरणं साहिओ गुरूण पुरो। दिज्जइ मिच्छादुक्कड-मेयं मीसंति पच्छित्तं // 1520 // कज्जे अणेसणिज्जे गहिए असणाईए. परिच्चाओ। कारइ काउस्सग्गे दिढे दुस्सविपणमुहम्मि // 1521 // 201
Page Navigation
1 ... 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310