________________ સંઘભેદ નામનું મહાપાપ ચોમાસી પૂનમ પછી બધી જ પૂનમ - અમાસમાં ક્યારે ફેરફાર કરાયો અને વૃદ્ધિના સમયે ચાલી આવેલી શુદ્ધ પરંપરામાં પણ ફેરફાર ક્યારથી આવ્યો તેની કોઈ ચોક્કસ માહિતી મળી રહી નથી પણ આ પાનાંઓથી ઘણી બધી વાતો સ્પષ્ટ થઈ જાય છે. હવે આપણે વિ.સં.૧૯૮૯ની સાલમાં બહાર પડેલ પુસ્તકના લખાણ પર વિચાર કરીએ. યાદ રહે કે તે સમયે પૂ. આ શ્રી. વિજય રામચન્દ્રસૂરીશ્વરજી મહારાજાએ તિથિ અંગે કોઈ વિશેષ સમજ લખાણમાં મૂકી ન હતી, ન જાહેર કરી હતી, પૂ.ઉમાસ્વાતીજી ભગવંતના પ્રઘોષના અર્થની તે સમયે કોઈ ચર્ચા પણ ન હતી. આવા સમયે જ પૂ.આ.શ્રી નીતિ સૂરીશ્વરજી મહારાજની આજ્ઞાથી ઉપાધ્યાયજી શ્રી દયા વિજયજી મહારાજે પુસ્તિકા લખી હતી. એનું નામ હતું : “પર્યુષણ પર્વની તિથિનો વિચાર અને સંવત્સરી નિર્ણય વિ.સં.૧૯૮૯ ની સાલમાં સકળ શ્રી સંઘ જે સંવત્સરીની આરાધના કરતો હતો તે જ આરાધના પૂ.આ.શ્રી રામચન્દ્ર સૂ.મ. પણ કરતા હતા. વિ.સં.૧૯૯૨ની સાલમાં સકલ શ્રી સંઘની ચાલી આવેલી સંવત્સરીની આરાધના પૂ.આ.શ્રી વિજય રામચન્દ્રસૂ.મ. અને તેઓશ્રીના વડીલ ગુરુવર્યો વગેરે એ ચાલુ રાખી હતી છતાં આજે “તેમણે નવો મત કાઢ્યો હતો એવું આળ તેમના ઉપર મૂકવામાં આવે છે - આ વાત જૂના ઇતિહાસથી જેઓ અજાણ છે તેમની જાણકારી માટે અહીં યાદ કરાવું છું. વિ.સં.૧૯૮૯ની સાલમાં જ્યારે શ્રી સાગરજી મહારાજ તરફથી સકળ સંઘથી અલગ પડી જુદા દિવસે સંવત્સરી કરવાની જાહેરાત થઇત્યારે, પૂ.આ.શ્રી. નીતિ સૂ.મ.ની આજ્ઞાથી ઉપા.શ્રી દયાવિજયજી મહારાજે પર્યુષણ પર્વની તિથિનો વિચાર અને સંવત્સરી નિર્ણય એવા લાંબા નામવાળી પુસ્તિકા લખીને બહાર પાડી હતી. આ પુસ્તિકામાં તેમણે શ્રી ઉમાસ્વાતીજી ભગવંતના પ્રધાષનો જે અર્થ કર્યો છે તેને જો માન્ય રાખવામાં આવે તો તિથિનો સમગ્ર વિવાદ સમેટાઈ જાય તેવો છે. આમાં પૂ.આ.શ્રી વિજય રામચન્દ્ર સુ.મ.ની વાત સ્વીકારવાની વાત નથી, જે વાસ્તવિક અર્થ થાય છે તેનો જે સ્વીકાર કર્યો છે તેને જ પાછો સ્વીકારવાનો છે.
