________________
५२
Jain Education International
१९६. णिच्छयववहारसरूवं, जो रयणत्तयं ण जाणइ सो । जे कीरइ तं मिच्छा-रूवं सव्वं जिणुद्दिट्टं ॥ ५ ॥
१९७. सद्दहदि य पत्तेदि य, रोचेदि य तह पुणो य फासेदि । धम्मं भोगणिमित्तं, ण दु सो कम्मक्खयणिमित्तं ॥ ६ ॥
१९८. सुहपरिणामो पुण्णं, असुहो पाव त्ति भणियमन्नेसु । परिणामो णन्नगदो, दुक्खक्खयकारणं समये ॥ ७ ॥
१९९. पुण्णं पि जो समिच्छदि, संसारो तेण ईहिदो होदि । पुण्णं सुगईहेदुं, पुण्णखएणेव णिव्वाणं ॥ ८ ॥
२०० कम्ममसुहं कुसीलं, सुहकम्मं चावि जाण व सुसीलं । कह तं होदि सुसीलं, जं संसारं पवेसेदि ॥ ९ ॥
२०१. सोवण्णियं पि णियलं, बंधदि कालायसं पि जह पुरिसं ।
बंधदि एवं जीवं, सुहमसुहं वा कदं कम्भं ॥ १० ॥
२०२. तम्हा दु कुसीलेहिं य, रायं मा कुणह मा व संसग्गं । साहीणो हि विणासो, कुसीलसंसग्गरायेण ।। ११ ।।
समणसुत्त भाग १
For Private
-
Personal Use Only
www.jainelibrary.org
