________________
છુટકારો!
૩૪૭ “પણ હું તને રાજદરબારમાં પાછી લેવરાવીશ; પછી તો તને કશી હીણપત નહીં રહે ને?”
પણ મૅડમ કદી એ વાત કબૂલ નહીં રાખે; કારણ કે, રાણી માતા તેમ જ રાણીજી બંનેનો તેમને ટેકો છે.”
“એ વાત મારે જોવાની છે; હું મૅડમ પાસે તને થયેલી સજા પાછી ખેંચી લેવરાવીશ. હું તેને ગમે તેમ કરીને નમાવીશ.”
“સરકાર, ઇંગ્લંડની રાજકુંવરી સામે આપનાથી બળપ્રયોગ ન થઈ શકે.”
તો હું તેને મનાવીશ.”
“મારે ખાતર આપ સરકાર તેમની આગળ નીચા નમો, એ કરતાં તો હું હજાર વાર કરવાનું વધુ પસંદ કરું.” રાજા એકદમ કાળો કણક પડી ગયો.
તે જેટલું સહન કર્યું છે, તેટલું જ હું પણ સહન કરવા માગું છું. તારાથી સહેજ પણ વધુ ઊંચો હું દેખાવા માગતો નથી – રહેવા માગતો નથી. આ બધા વિચારો હવે છોડી દે. આપણી વેદનાઓ જેટલાં જ આપણે મોટાં થઈશું અને આપણા એકમેકના પ્રેમ જેટલાં જ આપણે દૃઢ બનીશું. મારું એ બલિદાન જ હું તને સામું ધરું છું. ચાલ, મારી જીવનસંગિની, મારી પાછળ પાછળ ચાલી આવ!”
લુઇઝાથી રાજાનું આ આત્મસમર્પણ ઠુકરાવી શકાય તેમ ન હતું. તેની આંખો ભરાઈ આવી. રાજા કહેવાતો આ ઉર્ડ પુરુષ, કેવળ તેના પ્રેમનો યાચક બનીને તેની આગળ ઊભો હતો. ડુસકાંથી તેની છાતી ભરાઈ આવી.
તેણે રાજાજી સાથે જવા એક બે પગલાં ભર્યાં પણ ખરાં, પરંતુ પોતાની નાસભાગ જ્યાં ચોગરદમ લોકજીભે ચડી ગઈ હશે, તે તરફ પાછી જતાં તેના પગ પાછા ખચકાઈને ઊભા રહ્યા. રાજા તેની આનાકાની સમજી ગયો. તેણે કહ્યું “ત્યાં માત્ર દા નોં સિવાય, બીજું કોઈ જ તારી વાત જાણતું નથી. એટલે તારે કશો સંકોચ કરવાની જરૂર નથી.”
Jain Education International
For Private & Personal Use Only
www.jainelibrary.org
