Prem Pank

Author(s): Gopaldas Jivabhai Patel
Publisher: Parivar Prakashan Sahakari Mandir Ahmedabad

Page 393

૩૬૫
પ્રેમ-પંક આ કાગળ નીચે સહી નથી, એટલે તેને સાચો માનવાની જરૂર નથી.” મૅરીએ જણાવ્યું.
પણ મારા મિત્ર દ ગીશનો પત્ર આવ્યો છે, તેમાં તે કહે છે કે, “હું ગંભીરપણે ઘાયલ થયો છું તથા પથારીવશ છું, માટે એકદમ ચાલ્યા આવો.”
“તમારો ઇરાદો શો છે?”
“હું તો એ પત્ર મળતાં જ રાજાજીની રજા લેવા ગયો હતો; પરંતુ રાજાજીએ જવાબ આપ્યો કે, તમારા રાજાજીએ તમને મોકલ્યા છે, એટલે તેમનો હુકમ ન આવે ત્યાં સુધી તમારાથી પાછા ન ફરી શકાય.”
“તો તમે અહીં જ રહેવાના ખરું?”
એવું જ લાગે છે.”
“તમે જેના ઉપર પ્રેમ કરો છો, તેના કાગળો તમારા ઉપર આવે છે ખરા?”
“કદી નહિ.”
“તો પછી તમે તેને શી રીતે ચાહો છો?” આમ મૅરી આગળ બોલવા જતી જ હતી, એટલામાં બકિંગહામ ત્યાં આવી પહોંચ્યો. તેણે તરત જ બંનેને સંબોધીને કહ્યું, “તો પછી તમે લોકો કંઈ સમજૂતી ઉપર આવ્યો કે નહિ?”
“શાની સમજૂતી?”
જેથી તમે મિસ મૅરી ગ્રાફટન ખુશ થાઓ, અને રાઓલ ઓછા દુ:ખી બને.”
તમારું કહેવું મને સમજાયું નહિ, લૉર્ડ,” રાઓલે કહ્યું.
મૅરીએ તરત જ વચ્ચે કહ્યું, “મેં૦ દ બ્રજલોન ખુશ જ છે; કારણકે તે કોઈને પ્રેમ કરે છે, અને તે વ્યક્તિ તેમને પ્રેમ કરે છે. એટલે ખુશ થવા માટે તેમને મારી કંઈ જ જરૂર નથી.”