Prakrit Vidya 2000 10

Author(s): Rajaram Jain, Sudip Jain
Publisher: Kundkund Bharti Trust

Page 83

आयरियप्पवरोसिरिदेसभूसणो
__प्रो० माधव श्रीधर रणदिवे
'भो भव्वजणा ! तुम्हेच्चिय अप्पाणं कत्ता विणासगा भग्गविधादा य। तुम्हेच्चिय अप्पाणं मित्ता वेरिणो वि। जारिसं सुभासुभं कम्मं करिस्सध, तारिसं सुक्खदुक्खं ,जिस्सध। कडाण कम्माण ण मोक्खोऽत्थि। कत्तारमेव अणुजादि कम्म। उध, मा पमादं कुणध । अलियं वयणं अयसकरं वइरवड्ढणं च । सच्चं खु भगवं । सच्चं सग्गद्दारं सिद्धीए सोपाणं च। वित्तेणताणं ण लभदि पमत्तो। जहा लाभो तहा लोभो। लाभा लोभो पवड्ढदि। लोभो सव्वविणासगो। लोभो संतोसेण जिणे सव्वं णयणं सापेक्ख सच्चं। दूरं कुणध मणंसि दंदं वयणस्स विग्गहं च। परोप्पराणं दिट्ठीओ जोडिदूण समण्णयं कुणध। अणेगंतो सियावादो च्चिय समत्थो राया जो संघस्सं णस्सिदूण जगंसि संतिं पत्थावेद। जम्मेण ण को वि सेंट्ठी, ण को वि सुद्दो। माणवस्स णेयाउयं अणेयाउयं च जीवणं उच्चणीचाणं सच्चपरिक्खा। सव्वे जीवा इच्छंति जीविदूं, ण मरिज्जिदूं। सव्वे तसंति दंडस्स। सव्वेसिं जीविदं पियं। अदो परमसुहं चिय जीवणस्स पहाणुद्देसो। धम्मे सुहं लहदि। अहिंसा परमो धम्मो। अहिंसाणुयारिणो सयलं जंग चिय ऍक्कं कुटुंब । मेत्ती भूदेसु कप्पदे '
'धण्णो ! धण्णो ! धण्णो || भो सट्ठिवर, सव्वजीवाणं कल्लाणमयं एरिसं हिदोवदेसं कुणंतो को एसो मुणिवरो?'
महाणुभाव ! एसोक्खु बालबंभयारी तवसेट्ठो सरस्सदीपुत्तो अणासत्तकम्मजोगी रठ्ठसंतो सिरिदेसभूसणायरियवरो।'
'भो सज्जण ! कुणध पसादं ममोवरि। कधमेसो महायरिओ जादो ति कधेसु।' ___ण समत्था मह वाणी एदस्स जीवणकज्जं वण्णिदुं । तो वि कधेमि संखेवण तस्स दिव्वं जीवणं । सुणाहि एगग्गचित्तेण।
कण्णाडगविसए कोथलग्गामे एणं जिणकुडुंब वसदि। सुसावगो सच्चगोंडो तत्थ गामप्पमुहो। आकंबाभिहाणा से पदिपरायणा सुसीला भज्जा। एगम्मि सोहणे दिणे सा वरलक्खणकलिदं पुत्तं पसूदा। बालगोंडो त्ति तस्स णाम किदं। तदिए मासे बालगस्स मादा कालगदा। बालत्तणम्मि य तस्स पिदा वि कालगदो। तदो तस्स मादामही पदुमावदी बालगोंडं अदिजेहेण पालेदि तस्सोवरि सुसंखारं कुणदि य।
प्राकृतविद्या अक्तूबर-दिसम्बर '2000
0081