Book Title: Prabhu Puja Swadravyathi ke Devdravyathi Author(s): Kirtiyashvijay Publisher: Sanmarg PrakashanPage 13
________________ જરૂર પડી જાય, તો એનો તો શું, પણ જાતનોય ભોગ દેવાની તૈયારી જૈનમાં હોય. ધર્મસ્થાનો સંઘનાં એટલે કોઈનાં નહિ કે સૌનાં ? જૈનો તો એમ જ માને કે, પહેલાં આપણે શાસનના અને પછી કુટુંબ આદિના ! પુણ્યવશ જે કાંઈ મને મળ્યું છે, તે શાસનના ઉપયોગમાં આવી જાય તો સારું, એ ભાવના જૈનના હૈયામાં હોય. આજે મોટે ભાગે તમે બધું તમારું જ છે, એમ માની બેઠા છો અને એથી તમારે માટે દેવ, ગુરુ, ધર્મ જાણે પારકા હોય એવું થઈ ગયું છે. સભા : મંદિર, ઉપાશ્રય આદિ તો સંઘનાં ને ? પણ સંઘનાં એટલે કોઈનાં નહિ કે સૌનાં ? શું દરેક જૈનને એનું મમત્વ ન હોય કે કોઈક ને જ એનું મમત્વ ન હોય ? શ્રી જિનમંદિરાદિ સંઘનાં ગણાય, એનો અર્થ એ છે કે, સંઘની દરેકેદરેક વ્યક્તિ એમાં પોતાની શક્તિ-સામગ્રીનો ખર્ચ કરવા ઇચ્છે. એક જૈનનું ઘર જાહોજલાલીવાળું હોય, તો સંઘનાં મંદિરાદિ કેવી જાહોજલાલીવાળાં હોય ? ઘ૨ વગેરેની ચિંતા કરનારા તો એકાદ-બે હોય અને જિનમંદિર આદિની ચિંતા કરનારા તો સૌ હોય, એટલે જે કાળમાં ઘર આદિમાં ઊણપ આવે, તેવા કાળમાં પણ જિનમંદિરાદિમાં ઊણપ આવે નહિ ! આજે મોટે ભાગે લગભગ એથી ઊલટી જ પરિસ્થિતિ દેખાય છે ને ? ઘર વગેરેને માથે ધણી છે અને જિનમંદિરાદિ અંગે જાણે ધણીધોરી કોઈ નહિ ! પોતાની સગવડનો અને પોતાની સત્તા આદિનો હક્ક કરવા સૌ આવે અને ક્યાં કેટલી જરૂર છે, એની ચિંતા તો ભાગ્યે જ કોઈ કરે. આજે દેવની પૂજા કોણ કરે, તેનીય ચિંતા અને દેવની પૂજા શામાંથી કરવી, તેની પણ ચિંતા ઊભી થવા માંડી છે ને ? મંદિરની ચિંતા અમારે ક્યારે કરવી પડે ? ગૃહસ્થો કરી શકે ત્યાં સુધી અમારે એમાં પડવાનું નથી. તમે ન કરો, તો અમારે પણ એમાં પડવું પડે. તમારાં ઘર ભગવાનના શાસનનાં મટી જવા માંડ્યાં, માટે આજે વાંધો પડ્યો છે. છોકરો ત્રણ શેર દૂધ પીતો હોય, તો ચાર શેર દૂધ પીતો કેમ થાય, એની ચિંતા કરે, પણ પાડોશમાં સાધર્મિક ભાઈ સીદાતો હોય, તોય એની ચિંતા કરે નહિ ! છોકરાને કોઈ દિ' એમ કહ્યું કે “તું પીએ છે પૂ.આ. રામચન્દ્રસૂરિ સ્મૃતિગ્રંથમાળા - ૮૨Page Navigation
1 ... 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50