________________ તમે શ્રી જિનમંદિરમાં જાવ છો, ત્યારે તમારા ભાલ ઉપર તિલક કરો છો ને ? એ તિલક તમારામાં શો ભાવ પેદા કરે છે ? શ્રી જિનની આજ્ઞાને હું માથે ચડાવું છું, એમ થાય છે ? તિલક પણ કહે છે આ શ્રીજિનાજ્ઞાનો સેવક છે. તમને જો એ તિલકની કિંમત ન હોય તો તિલક પણ સંસારનું સાધન બની જાય. જેને ઓઘાની હિંમત ન હોય તેને માટે જો ઓઘો સંસારનું સાધન બની જાય, તો જેને તિલકની કિમત ન હોય, તેને માટે તિલક સંસારનું સાધન બની જાય કે નહિ ? સંસારમાં સંયોગવશાતુ ખર્ચ અને અહીં દિલથી ખર્ચઃ | તમે શ્રી જિનમંદિર, શ્રી જિનબિંબ અને અન્ય ધર્મસ્થાનોમાં જે કાંઈ લક્ષ્મીનો વ્યય કરો છો, તે શા માટે કરો છો ? તમારે હૈયે શ્રીજિનમંદિરાદિની બહુ મોટી કિંમત છે માટે ને ? આ સ્થાનો તારક છે, એમ માની ને ? તમે બંગલા આદિ બાંધો છો અને તેમાં તમે બીજો પણ ધનવ્યય કરો છો, પણ તમને ત્યાં કદી એમ થાય છે કે આ બધું મને તારનારું છે ? જે કોઈ આને જોશે તેને આને જોઈને તરવાનો ભાવ પેદા. થશે, એવું તમે માનો છો ? નહિ. ત્યાં તમને એવો ખ્યાલ આવતો નથી કે આ મારા અને બીજાઓના નિસ્તારની સામગ્રી છે અને શ્રીજિનમંદિરાદિ ધર્મસ્થાનોમાં તો તમને એવો ખ્યાલ આવે છે ને કે આ બધી મને અને જે કોઈ આને જોઈને સેવે, તેને તારનારી આ સામગ્રી છે? આ વાત બરાબર છે ? એટલે તમને તમારા બંગલા આદિને જોઈને એવો ખ્યાલ આવે છે ખરો કે આ બધું મને સંસારમાં રડાવનારું છે ? તારકસ્થાનો તો શ્રી જિનમંદિરાદિ જ ? તમે ભલે બંગલા આદિમાં લક્ષ્મીનો વ્યય વિશેષ કરતા હો પણ એ વ્યય તમારે સંયોગવશાત્ કરવો પડે છે માટે કરો છો અને શ્રી જિનમંદિરાદિ ધર્મસ્થાનોમાં કે આ ધર્મસ્થાનોને માટે તમે ભલે ત્યાં કરતાં લક્ષ્મીનો વ્યય ઓછો કરતા હો, પણ આ વ્યય તમે દિલથી કરો છો, એમ ખરું ? મને મળેલી લક્ષ્મી આદિની ખરી સફળતા અહીં જ ખર્ચવામાં છે અને ત્યાં હું જે કાંઈ કરું છું તે મારું પાપ છે, એમ તમને લાગે છે? જો હૈયામાં આવી ભાવના હોય, તો અહીં થોડું ખર્ચવામાં પણ જે આ રામચન્દ્રસૂરિ સ્મૃતિગ્રંથમાળા -૮૨છે
