________________
ત્યારે પાણીનો આરંભ આજના આરંભ કરતાં સોમા ભાગે પણ નહિ હોય ને ? આજે તો નળ નીચે માથું અને ઉપર નળ ખુલ્લો ! પાશેર પાણીની જગ્યાએ પાંચ શેર પાણી વપરાય ને ? એ પાણીના નિકાલ માટેનું પાપ પણ કેટલું ? કૂવા વગેરેમાંથી પાણી લાવવાનું હોત, તો સ્ત્રીઓ પણ ઓછું પાણી વાપરવાનું કહેત, કેમ કે મજૂરી કરવી પડે અને માથે લાવવું પડે !
ઘરમાં તો મહારંભનો કાયમી સંબંધ જોડી દીધો, પણ જિનમંદિરાદિમાંય એ પાપ ઘાલી દીધું. વીજળીના દીવા પણ આવ્યા અને નળ પણ આવ્યા ને ? દેરાસરમાં વીજળીના ગોળા પણ કેવા રાખવા. માંડ્યા છે ? બરાબર ભગવાનની સામે જ રાખે અને તે પણ ભારે પ્રકાશના રાખે. પ્રકાશ એટલો બધો હોય છે કે, મૂર્તિનું લાવણય અને આંગીની મનોહરતા મારી જાય. તમારી સામે કોઈએ એટલા દીવા ધર્યા હોય, તો તમે ભાગી જ જાવ. પહેલાં દીપક રહેતા તે હાલતાચાલતા રહેતા અને પ્રકાશ સૌમ્ય હોય એટલે મૂર્તિનું લાવણ્ય ખીલી ઊઠતું અને આંગીના ચળકાટનાં સ્થાનો બદલાયા કરે, એટલે બધું ઝગમગ થયા કરે વીજળીના દીવાઓમાં આંખો ઠરવી મુશ્કેલ બને, ગરમી પણ વધે અને પછી ભાવવૃદ્ધિમાં ઊણપ આવે, તેમાં નવાઈ પણ શી છે ? ઉપરાંત જોખમ ઘણું અને મહારંભ સાથે હંમેશનું જોડાણ !
સભા ઃ આ બાબતમાં ઉપયોગ અપાય તો ફેર પડે. - ઉપયોગ નથી અપાયો અગર નથી અપાતો એવું નથી, પણ કેટલાક વહીવટદારોને જાણી જોઈને આ કરવું છે. આ અંગે એક વાર હિલચાલ ઊપડી હતી. કેટલાક જૈનો એવા નીકળેલા કે, દેરાસરમાં જઈને તાર કાપી આવે. તાર કાપવાનું હથિયાર સાથે લઈને જાય અને વીજળીના સંબંધ તોડી નાખે. બે-ત્રણ વાર એવું થયું, એટલે એમના માટે ચોકીઓ મુકાઈ, તે વખતે બધેથી આચાર્યોના અભિપ્રાયો પણ મંગાવાએલા અને બધાએ વીજળીના દીવાઓ જિનમંદિરાદિમાં નહિ જોઈએ, એવા અભિપ્રાયો આપેલા. એ અભિપ્રાયો પ્રગટ પણ થઈ ગયા છે. એટલે આ સંબંધમાં પ્રયત્નો નથી થયા એમ નહિ, પણ આ તો વધતું જ ચાલ્યું.
રાભા : પણ વીજળીના દીવામાં ખર્ચ ઓછું આવે ને ? ઘી ૧૩૫ રૂપિયે મણ થઈ ગયું !
(
૫ આ. રામચન્દ્રસૂરિ સ્મૃતિગ્રંથમાળા- ૮૨
