Pandia Dhanwal Kaha

Author(s): Jasbhadravijay
Publisher: Mohanlal Maganlal Badami

Page 9

पंडिअधणबालकहा।
सिहासणोवविट्ठो, दिवो हिदेहिँ विगयकटेहिं । सूरुव्व तिव्वतेओ, गणहारि वद्धमाणगुरू ॥३३॥ (जुयल) हरिसभरपुलइयंगा, खंधा उम्मूलिऊण दीवीओ । ते विहसियनयणजुया, पणमंति गुरूण पयकमलं ॥३४॥ साहंति सरिसेहर !, तुह दंसणसहसकिरणउग्गमओ। चिरपरिचियमम्हाणं, महातम झत्ति परिगलियं ॥३५॥ ता पसिय भवण्णवओ, दुग्गहकुग्गाहनिवहदुग्गाओ। नियदिक्खपोयमारोविऊण अम्हे नयह पारं ॥३६॥ सूरीवि भणइ वच्छा! पच्छा गिण्हेसु अम्ह पवजं । पढमं जिणमयतत्तं, वीमंसह हिययमज्झम्मि ॥३७॥ जह जह सुणंति ते दोऽवि जिणमयं तेसिं तह तह खिप्पं (क्खिप्पं)। पलयं गच्छइ विजाठाणरूई पावठाणुव्व ॥३८॥ सिद्धतामयपाणेण, मिच्छत्तविसेसमंतओ तेसिं । नढे गुरूण पासे, पन्वजं दोवि गिण्हंति
॥३९॥ दिन्नं गुरूहिं नामं, पढमस्स जिणेसरुत्ति विक्खायं । बीयस्स बुद्धिसायर, इय नाम बुहजणप्पयर्ड ॥४०॥ संगहियदुविहसिक्खा, दिक्खदिणाओ अभिग्गहसविक्खा । निस्सेसागमसायरपारगया दोऽवि ते जाया ॥४१॥ छत्तीसगुणसमिद्धे, गीयत्थे जाणिऊण ते दोऽवि । मरिपए संठविया, गुरुहिं दिणयरमयंकुव्व
।४२॥ जिणिसरसूरी तह बुद्धिसायरो गणहरो दुवे कइया । सिरिवद्धमाणसूरीहिँ एवमेए समाइट्ठा ॥४३॥ वच्छा ! गच्छइ अणहिल्लपट्टणे संपयं जओ तत्थ । सुविहियजइप्पवेसं, चेइयमुणिणो निवारंति ॥४४॥ सत्तीए बुद्धीए, सुविहियसाहूण तत्थ य पवेसो । कायव्यो तुम्ह समो, अन्नो नहु अस्थि कोवि विऊ ॥४५॥
१ रोमाञ्चिताडौ। २ विमृशत । ३ मृगाङ्काविव । ४ विद्वान्। .
॥४
॥