Pandia Dhanwal Kaha

Author(s): Jasbhadravijay
Publisher: Mohanlal Maganlal Badami

Page 7

पंडिअधणबालकहा। ॥२॥
तकुच्छिसरसिहंसीवंसवयंसा गुणाण आवासा । दो तणया बुहपणया, संजाया जायरूवपहा
॥७॥ पढमो सिरिधणपालो, बालुव्व विभाइ जस्स मइपुरओ। विंदारयवरसचिवुत्तमोऽवि स बुहप्पई नूणं ॥८॥ बीओ सोहणनामा; जस्स कवित्तं विचित्तयं सुणिउं । केहि न विम्हियहियएहिँ पंडिएहिं सिरं धुणियं ॥९॥ बहुपरियणपरियरिया, अखंडपंडिच्चदप्पदुप्पिच्छा सिरिभोयरायरायंगणस्स मुहमंडण जाया
॥१०॥ अह मज्झदेसपरिभूसणाइ वाणारसीइ नयरीए । गोयमगुत्ता पुत्ता, दियस्स दो कण्हगुत्तस्स ॥११॥ पढमो सिरिहरनामो, अट्ठारसविजठाणपारीणो । वीओऽवि अबीयगुणो, सिरिवइनामा सिरिवइन्च ॥१२॥ दोवि हु सहोयरा ते, निउणा बम्भन्नएसु कम्मेसु । नयणुव्व परमपिम्माणुबंधसंबंधबंधुरया
॥१३॥ सुरसरिसलिलंमि सया, पहाणं काऊण विगयदेहमला । पूयंति बहुपयारं, विस्सेसरदेवपयकमले
॥१४॥ अह अन्नया कयाई, ताणं सोमेसदेवजत्ताए । अहिलासो संजाओ, जाइजरामरणहरणकए
॥१५॥ फोडेऊणं खंधे, तत्थ य पजलिरदीवए ठविउं । सिरिसोमनाहजतं, काउं दो भायरो चलिया ॥१६॥ कालक्कमेण दुल्लङ्घयंपि उल्लंघिऊण बहुमग्गं ! सिरिवड्डमाणनयरं, पत्ता गुजरधरावलयं
॥१७॥ सोमेसरस्स दंसणसमृसुया जाव तत्थ रयणीए । चिटुंति हिट्ठहियया, दीवयपीडं अगणयंता
॥१८॥ ता मज्झरत्तिसमए, एगं पुरिसं जडाकडपिल्लं । भसमुद्धूलियकायं, गलकंदलठवियसिरमालं ॥१९॥
१ बृहस्पतिः । २ जाकलापिनम् ।
MEDIAWINDO MINDIANUARImmuntinema
AMILIATIOHINIDPALIHOTRIPimpam