Painnay suttai Part 3

Author(s): Punyavijay, Amrutlal Bhojak
Publisher: Mahavir Jain Vidyalay

Page 119

पाययटिप्पणगसमेयं
। एत्थ वि पुव्वविधाणेण आदिचणक्खत्ताणि अणुवातेण आणेतव्वाणि ति। जहा–जदि दसहिं विसुवेहिं पंच सूरणक्खत्तपजया लब्भंति दुभागविसुवेण किं लब्भामो? ति लद्धा चउभागा। एवं अट्ठारहिं सतेहिं तीसेहिं सत्तट्ठिभागेहिं १६७° गुणेहामो त्ति छेदगुणकारा अद्धेणोवट्टिता "अंसा अंसगुण" त्ति जाया अंसा णव सता पण्णारा ९१५, छेदो चोत्तीसं सतं १३४ अंसेहिंतो पूसो अट्ठासीतीय सुद्धो, सेसस्स भागो छेदेण, भागलद्धा छ तेवीसं चोत्तीससतभागा ६२३ । एवं आसिलेसादिगं सत्तमं णक्खत्तं साती। एवं सवाणि दक्षिणायणे विसुवाणि सातिस्स तेवीसं भागे अवगाहितूण सूरो करेति त्ति । पुणो कातव्वं-जदि दसहिं विसुवेहिं सूरणक्खत्तपज्जया पंच लब्भंति तिहिं दुभागेहिं किं लब्भामो ? ति लद्धा तिण्णि चतुभागा, एते अट्ठारसहिं सतेहिं तीसेहिं सत्तट्ठिभागेहिं १८३° गुणेहामो ति छेदगुणकारा अद्वेण ओवट्टिता “ अंसा अंसगुण" ति जाया अंसा सत्तावीसं सया पणताला २७४५, छेदो चोत्तीसं सतं १३४, अंसेहिंतो पूसो अट्ठासीतीय सुद्धो, छेदेण य भागे हिते लद्धा एगूणवीसं सयं च एक्कारं १९१११, अंसेहितो अभिजिबातालीसाए ४२ सुद्धो, सेसा एगूणसत्तरि ६९, एगूणवीसाओ असिलेसाती तेरसहिं १३ उत्तरासाढाओ सुद्धाओ, सेसा छेदो त्ति “पंच दस तेरस" ति पंचहिं ५ उत्तराभद्दवता सुद्धा, सेसातो एक्केण १ रेवती सुद्धो, एवं आसोतीणं चोत्तीसं सतभागो एगूणसत्तरि ६९. अवगाहितूण सूरो उत्तरायणविसुवाणि करेति त्ति ॥३०५॥
दंक्खिणअयणे लग्गं पंचसु विसुवेहि होति अस्से य । उत्तरअयणे लग्गं साती विसुवेसु पंचसु वि ॥३०६॥
दक्षिणमयणे विसुवेसु हे अभिजी रसातले पूँसो । उत्तरअयणे अभिजी रसातले णभतले पूँसो ॥ ३०७॥
१. लग्गं च दक्षिणायण विसुवेमुंहोति पंचसु वि अस्से। उत्तरमयणे पु० वि० म०॥ मुद्रिते तु अस्या गाथायाः पाठोऽशुद्धोऽव्यवस्थितश्च वर्तते॥ २. नहयलेऽभिजि पु० मु० वि० म०॥ ३-४. पुस्से पु० मु० वि०॥