Book Title: Mahavagga Tika
Author(s): Vipassana Research Institute Igatpuri
Publisher: Vipassana Research Institute Igatpuri
View full book text
________________
( ९.४०१ - ४०१ )
निरोधसच्चनिद्देसवण्णना
तस्मिं सति तुङ्गा नासा येसं ते तुङ्गनासा, एवं लद्धवोहारा सत्ता अत्तनो घानन्ति योजना कातब्बा । जिव्हं... पे०... मञ्ञन्ति वण्णसण्ठानतो, किच्चतो च । कायं... पे०... मञ्ञन्ति आरोहपरिणाहसम्पत्तिया । मनं... पे०... मञ्ञन्ति अतीतादिअत्थचिन्तनसमत्थं । अत्तना पटिलद्धानि अज्झत्तञ्च सरीरगन्धादीनि बहिद्धा च विलेपनगन्धादीनि । उप्पज्जमाना उप्पज्जतीति यदा उप्पज्जमाना होति, तदा एत्थ उप्पज्जतीति सामञ्ञेन गहिता उप्पादकिरिया लक्खणभावेन वुत्ता, विसयविसिट्ठा च लक्खितब्बभावेन । न हि सामञ्ञविसेसेहि नानत्तवोहारो न होतीति । उप्पज्जमानाति वा अनिच्छितो उप्पादो हेतुभावेन वुत्तो, उप्पज्जतीति निच्छितो फलभावेन यदि उप्पज्जमाना होति, एत्थ उप्पज्जतीति ।
7
निरोधसच्चनिद्देसवण्णना
४०१. “ सब्बानि निब्बानवेवचनानेवा" ति वत्वा तमत्थं पाकटतरं कातुं “निब्बानञ्ही”तिआदि आरद्धं । तत्थ आगम्माति निमित्तं कत्वा । निब्बानहेतुको हि तण्हाय असेसविरागनिरोधो । खयगमनवसेन विरज्जति । अप्पवत्तिगमनवसेन निरुज्झति । अनपेक्खताय चजनवसेन, हानिवसेन वा चजीयति । पुन यथा नप्पवत्तति, तथा दूर खिपनवसेन पटिनिस्सज्जीयति । बन्धनभूताय मोचनवसेन मुच्चति । असंकिलेसवसेन न अल्लीयति । कस्मा पनेतं निब्बानं एकमेव समानं नानानामेहि वुच्चतीति ? पटिपक्खनानतायाति दस्सेन्तो “एकमेव ही "तिआदिमाह । सङ्घतधम्मविधुरसभावत्ता निब्बानस्स नामानिपि गुणनेमित्तिकत्ता सङ्घतधम्मविधुरानेव होन्तीति वुत्तं "सब्बसङ्गतानं नामपटिपक्खवसेना "ति । असेसं विरज्जति तन्हा एत्थाति असेसविरागोति ! एस नयो सेसेसुपि । अयं पन विसेसो - नत्थि एतस्स उप्पादो, न वा एतस्मिं अधिगते पुग्गलस्स उप्पादोति अनुप्पादो, असङ्खतधम्मो । " अप्पवत्त "न्तिआदीसुपि इमिना नयेन अत्थो वेदितब्बो | आयूहनं समुदयो, तप्पटिपक्खवसेन अनायूहनं ।
Jain Education International
तण्हा अप्पहीने सति यत्थ उप्पज्जति, पहाने पन सति तत्थ तत्थेवस्सा अभावो सुदस्सितोति आह " तत्थेव अभावं दस्सेतु" न्ति । अपञ्ञत्तिन्ति अपञ्ञापनं, “तित्त अलाबु अत्थी'ति वोहाराभावं वा । तित्तअलाबुवल्लिया अप्पवत्तिं इच्छन्तो पुरिसो विय अरियमग्गो, तस्स तस्सा अप्पवत्तिनिन्नचित्तस्स मूलच्छेदनं विय मग्गस्स निब्बानारम्भणस्स तण्हाय पहानं, तदप्पवत्ति विय तण्हाय अप्पवत्तिभूतं निब्बानं दट्ठब्बं ।
३१५
315
For Private & Personal Use Only
www.jainelibrary.org
Page Navigation
1 ... 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410