Mahavagga Tika

Author(s): Vipassana Research Institute Igatpuri
Publisher: Vipassana Research Institute Igatpuri

Page 347

३२२
दीघनिकाये महावग्गटीका
(९.४०४-४०४)
इतरासं उद्धमातकादीनं सभावेनेवाति नवन्नं सिवथिकानं अप्पनाकम्मट्ठानता वुत्ता । द्वैयेवाति आनापानं, द्वत्तिंसाकारोति इमानि द्वेयेव । अभिनिवेसोति विपस्सनाभिनिवेसो, सो पन सम्मसनियधम्मपरिग्गहो । इरियापथा, आलोकितादयो च रूपधम्मानं अवत्थाविसेसमत्तताय न सम्मसनुपगा विज्ञत्तिआदयो विय । नीवरणबोज्झङ्गा आदितो न परिग्गहेतब्बाति वुत्तं "इरियापथ...पे०... न जायती"ति। केसादिअपदेसेन तदुपादानधम्मा विय इरियापथादिअपदेसेन तदवत्था रूपधम्मा परिग्गय्हन्ति, नीवरणादिमुखेन च तंसम्पयुत्ता, तंनिस्सयधम्माति अधिप्पायेन महासिवत्थेरो च इरियापथादीसुपि "अभिनिवेसो जायती"ति अवोच । “अत्थि नु खो मे"तिआदि पन सभावतो इरियापथादीनं आदिकम्मिकस्स अनिच्छितभावदस्सनं । अपरिञापुब्बिका हि परिञाति ।
कामं “इध भिक्खवे भिक्खू"तिआदिना उद्देसनिद्देसेसु तत्थ तत्थ भिक्खुग्गहणं कतं तंपटिपत्तिया भिक्खुभावदस्सनत्थं, देसना पन सब्बसाधारणाति दस्सेतुं “यो हि कोचि भिक्खवे" इच्चेव वुत्तं, न भिक्खु येवाति दस्सेन्तो “यो हि कोचि भिक्खु वा"तिआदिमाह। दस्सनमग्गेन आतमरियादं अनतिक्कमित्वा. जानन्ती सिखाप्पत्ता अग्गमग्गपञा अञा नाम, तस्स फलभावतो अग्गफलं पीति आह “अज्ञाति अरहत्त"न्ति ।
अप्पतरेपि काले सासनस्स निय्यानिकभावं दस्सेन्तोति योजना । निय्यातेन्तोति निगमेन्तो।
महासतिपट्टानसुत्तवण्णनाय लीनत्थप्पकासना।
322