________________
કપડાં ધોયા પહેલાં આગળ-પાછળ, ઉલ્ટા કરીને એનું બરાબર નિરીક્ષણ કરવું. કોઈપણ મોટા કે નાના વાસણમાં પાણી, ખાદ્યપદાર્થ વગેરે લીધા પહેલા જોઈ લેવો કે વાસણના કોઈ ખૂણામાં કોઈ સૂક્ષ્મ જંતુ તો નથી ને ?
દરવાજા-બારીને ખોલતાં બંધ કરતાં પહેલા ખખડાવવો જેથી જો ગરોળી વગેરે બેઠેલી હોય તો અવાજ સાંભળતાં જ ખસી જશે. બારી વગેરે ખોલતાં કે બંધ કરતાં પહેલા બરાબર જોઈ લેવી કે ક્યાંક કોઈ જંતુ તો નથી ને ?
ચા ની પત્તીને ગળણીથી ગાળીને ઉપયોગ કરવો. ચાતુર્માસ અને ભીના વાતાવરણમાં નાના જીવો હોવાની સંભાવના રહે છે.
વર્ષા ઋતુમાં ટ્યુબલાઈટ ઉપર નાની ફુદી (પતંગીયા) જેવા પુષ્કળ જીવ મોટા પ્રમાણમાં ઉત્પન્ન થાય છે. સવારે કચરામાં આ બધા જીવોના ક્લેવર એકઠાં થઈ જાય છે. એને રોકવા માટે ટ્યુબલાઈટની સાથે લીમડાના ઝાડની નાની ડાળી બાંધી દેવી.
શહેરોમાં ઘરે કેરીનો રસ કાઢવાની પ્રથા ઘટતી જાય છે. કારણ એ છે કે એ બજારમાં તૈયાર મળે છે. પણ એનો ઉપયોગ કરવો અનુચિત છે કેમકે એ રાત્રે પણ નીકાળેલો હોઈ શકે છે. તથા એમાં કાચુ દૂધ પણ ભેળવાય છે. જેથી દાળ વગેરે કઠોળની સાથે ખાવાથી દ્વિદળ થવાની સંભાવના રહે છે. કેરીના રસમાં કાચુ દૂધ ભેળવવું જોઈએ નહી તેમજ બજારનો કેરીનો રસ પણ ઉપયોગમાં લેવો ન જોઈએ.
સાંજની રસોઈ થઈ ગયા પછી, બર્નર ઉપર કપડું બાંધીને ઢાંકી દેવું. જેથી બર્નરના છિદ્રોમાં જીવ જાય નહીં. અને સવારે પૂંજણીથી ગેસને પૂંજી લેવું.
બિસલરી વગેરે મિનરલ વોટર, અળગણ હોવાથી પીવો નહી અને પીવડાવવો પણ નહીં. એમાં પાણીના જીવોની વિરાધના થાય છે. પહેલા દિવસનું ગળેલું પાણી જો બીજા દિવસે ઉપયોગ કરવો હોય તો ગળીને જ ઉપયોગમાં લેવું.
પૌઆમાં પુષ્કળ જીવાત હોવાથી એનો ઉપયોગ કરવા પહેલા છાળણીથી છાળીને નિરીક્ષણ કરી લેવું.
લીંબુના ફૂલ (લીંબુના સત્ત) મહાહિંસક હોવાથી એનો ઉપયોગ કરવો નહિ.
મિઠાઈની ઉપર જો કેસરનું પાણી છાંટેલું હોય તો એ મિઠાઈ બીજા દિવસે વાસી બની જાય છે. મેથી વગેરે ભાજીના નીચેના ૨-૩ પત્તા અનંતકાયમાં ગણાય છે. માટે એને છોડી દેવાય છે. પૌંઆ-મમરા-સીંગદાણાં તથા દ્રાક્ષ વગેરેને છાળીને-વીણીને જ ઉપયોગમાં લેવું.
140
