________________
(સાઈન કરીને પાંચેય પાછા ઘરે આવ્યા, ઘરની બહાર આવતાં જ) શારદાઃ ચાલ વિધિ, હવે અમે જઈએ છીએ, કૃપાનું ધ્યાન રાખજે. કૃપા બેટા. ક્યાંય જતી નહી. (આવું કહીને શારદા અને સુધીર ત્યાંથી નીકળતાં જ હતા કે ) વિધિ એક મિનિટ મમ્મીજી ! તમે ક્યાં જવાની વાત કરો છો? શારદા: બેટા ! અમારા ઘરે વિધિઃ (પોતાના ઘર તરફ ઇશારો કરતાં) મમ્મી આ ઘર તમારું જ તો છે....
(વિધિની વાત સાંભળીને બધા ચોંકી ગયા. ત્યારે વિધિ રડવા લાગી, બધા વિચારમાં પડી ગયા કે આખરે વિધિને થયું શું? ત્યારે ) વિધિઃ (રડતી-રડતી) હાં મમ્મીજી ! આ તમારું જ ઘર છે. આજથી તમે અને પપ્પાજી આ જ ઘરમાં રહેશો. મમ્મીજી મારા વર્તનને કારણે તમે લોકો ઘર છોડવા માટે મજબૂર થઈ ગયા હતા. પરંતુ આજે હું પોતાના બધા ખોટા વર્તનની માફી માંગું છું. મમ્મીજી ! આજે મને ખબર પડી ગઈ કે જ્યારે બાળક માઁ થી અલગ થાય છે, ત્યારે માઁ ની શું હાલત થાય છે. કૃપા મારાથી ૨૪ કલાક અલગ થઈ તો હું જીવતી લાશ જેવી બની ગઈ. પરંતુ મેં તો તમને તમારા દિકરાથી પોતાના સ્વાર્થ માટે આટલા દિવસો સુધી દૂર રાખવાનું પાપ કર્યું છે. હું તો કૃપાની સાથે માત્ર ચાર વર્ષથી છું, અને આજે એના ગુમ થવાથી મારી આવી હાલત થઈ ગઈ છે, તો ૨૫-૨૫ વર્ષ સુધી જે દક્ષ તમારી સાથે રહ્યા છે, એના દૂર થવાથી તમારી કેવી હાલત થઈ હશે? મમ્મીજી મને મારા કર્યા ઉપર પસ્તાવો થઈ રહ્યો છે. હવે તમે અને પપ્પાજી હંમેશ હંમેશને માટે અમારી સાથે જ રહેશો. મમ્મી-પપ્પા પ્લીઝ મને માફ કરી દો. (આટલું કહીને વિધિ, શારદા અને સુધીરના પગમાં પડીને રડવા લાગી. દક્ષે વિધિને ઉઠાવી અને ત્ર) દક્ષ વિધિ ! તને પસ્તાવો થયો એ જ મોટી વાત છે. હવે મમ્મી-પપ્પા આપણને છોડીને ક્યાંય નહી જાય, (દક્ષ સુધીરની તરફ દેખતાં) હાં ને પપ્પા? (શું કહે સુધીર અને શારદા આખરે બાળકોના આગ્રહથી ઝૂકવું જ પડ્યું. આના પછી વિધિના પરિવારમાં વિધિના જીવનમાં કેટલી ખુશીઓ આવી હશે એ કહેવાની જરૂર નથી.)
આ પ્રમાણે વિધિના ખુશહાલ જીવનને જોઈને મોક્ષા અને એનો પરિવાર પણ બહુ ખુશ હતો. પરંતુ એમના પરિવારની આ ખુશી જલ્દી જ ગમ અને આંખોનાં આંસુઓમાં બદલાઈ ગઈ,
જ્યારે મોક્ષાના દિયર વિનયે પોતાની પત્ની સાથે ઘરથી અલગ થવાનું પગલું ભરી લીધું. હવે શું મોક્ષા વિનયને માતા-પિતાના પ્રત્યે એના કર્તવ્યને સમજાવીને એને ફરીથી ઘરે લાવવામાં કામિયાબ થઈ શકે છે કે પછી પ્રશાંત અને સુશીલાનું આ સંયુક્ત કુટુંબ તૂટીને વિખરાઈ જાય છે. શું આ તોફાન થમી જશે? શું આ તોફાન મોક્ષાના પરિવારની ખુશીઓને છીનવી લેશે. આવો જોઈએ જૈનિજમના BA10LMHL 243 “Duties towards Parents'Hi
