________________
સુધીર : બેટા ! હું બતાવું છું.
વિધિ : તમે શું બતાવશો ? હું બતાવું છું જુઓને, તમને તો ખબર જ છે ને કે મારા માતા-પિતાએ મને કેટલા પ્રેમથી પાળી-પોષીને મોટી કરી છે. અમે ચારે ભાઈ-બહેન ક્યાં આવતાં જતાં હતા, ક્યારેય કંઈપણ પૂછ્યું નથી. અમારી દરેક ઇચ્છા પૂરી કરી..
દક્ષ : વિધિ આ ફાલતું વાતો સિવાય પણ કંઈક બતાવીશ.
વિધિ : (ગુસ્સામાં) બતાવું જ તો છું, તમને તો ખબર જ છે ને કે આજકાલ હું અઠવાડિયામાં બે-ત્રણ વખત જ કિટી પાર્ટીમાં જાઉં છું. અને આજે મારું કિટી-પાર્ટીમાં જવું જરૂરી હતું. બસ મને આવવામાં થોડું મોડું શું થઈ ગયું, મારા ઉપર આરોપોનો વરસાદ શરૂ કરી દીધો. કહેશે જ ને આખરે પારકા ઘરની છું તે. (અને જો૨-જો૨થી રડવા લાગી.)
ન
(બિચારા સસરાજી વિધિની ખોટી દલીલોની આગળ પોતાની સચ્ચાઈને પણ રજૂ ન કરી શક્યા. દક્ષની હાલત તો ઘંટીમાં પીસાતા દાણા જેવી થઈ ગઈ. એક બાજુ કૂવો હતો તો બીજી બાજુ ખાડો. ના તો પોતાના પિતાજીને કંઈ કહી શકતો હતો અને ના તો પોતાની પત્નીને. વિધિની વાત સાંભળીને દક્ષ કંટાળીને ત્યાંથી ચાલ્યો ગયો. આ પ્રમાણે સાસુ-સસરાથી અલગ થવા માટે વિધિ દક્ષના ઘરે આવતાં જ રોજ-બરોજ નવા-નવા ઝઘડા એ રીતે રડી-૨ડીને રજૂ કરતી કે દક્ષ પણ પોતાના માતા-પિતાથી અલગ થવાને માટે મજબૂર થઈ જાય. જો કોઈ ઝઘડો ન થાય તો રાત્રે દક્ષને આખા દિવસની હિસ્ટ્રી સંભળાવતી. ઓફિસમાં ગ્રાહક સાથે માથાકૂટી કરી દક્ષ થાકેલો-પાકેલો એ આશાએ ઘરે આવતો કે ઘરમાં એને શાંતિ મળશે. પરંતુ વિધિએ તો આવીને એના જીવનની શાંતિ જ છીનવી લીધી હતી. આખરે રોજરોજના ટેન્શનથી દક્ષ પૂરી રીતે થાકી ગયો હતો. અને હવે તો એ પણ એ જ વિચારતો હતો કે કાં તો વિધિ મને છોડીને ચાલી જાય કાં તો મમ્મી-પપ્પા
સાચે જ કોઈએ ઠીક કહ્યું છે કે, આજકાલ દિકરા, દિકરા નહી, પરંતુ બાપ બનીને જન્મ લે છે અને વહુ વહુ બનીને નહી પણ સાસુ બનીને ઘરમાં પ્રવેશ કરે છે. વિધિએ પણ કંઈક આવું જ કર્યું એકવાર દિવસે ઝઘડાનો કોઈ મોકો ન મળવાથી રાત્રે દક્ષ થાકેલો-પાકેલો ઘરે આવ્યો ત્યારે
આવતાં જ વિધિએ રામકહાણી શરૂ કરી દીધી.)
વિધિ : આવી ગયા તમે.
:
દક્ષ : આવી તો ગયો, પણ આજે તું આટલી ગુસ્સામાં કેમ છે ?
વિધિ : ગુસ્સો ન કરું તો શું કરું ? તમે તો આખો દિવસ ઓફિસમાં રહો છો. અને અહીંયાં તમારા બુઢા માતા-પિતાના તાણા મારે એકલીને જ સાંભળવા પડે છે. તમને જો મારી ચિંતા હોત તો ક્યારનીય મને અહીંથી લઈ ગયા હોત ?
દક્ષ ઃ પરંતુ આજે શું થયુ; એ તો બતાવ.
158
