________________
ભવિષ્યના વિષે વિચારી લીધું છે. હું કોઈની ઉપર બોજ બનીને નથી જીવવા માંગતી. હું એક ફેશનડિઝાઈનર છું. જો હું ઇચ્છું તો મને સારી નોકરી મળી શકે છે. આ રીતે પોતાના પગ ઉપર ઉભી થઈને હું પોતાનું પેટ તો ભરી જ શકું છું. પણ હવે પ્રશ્ન આવે છે આ બાળકનો. મોક્ષા: વિધિ ! અહીં કોઈના ઉપર બોજ બનવાનો કે પેટ ભરવાનો સવાલ નથી. અહીં સવાલ છે તારી અને દક્ષની જીંદગીનો અને તારા બાળકનો પહેલા મગજને શાંત કર અને બતાવ કે થયું શું? વિધિઃ ભાભી ! દક્ષના ઝઘડાળુ સ્વભાવને કારણે હું એટલી પરેશાન થઈ ગઈ છું કે મનમાં વિચાર આવે છે કે આત્મહત્યા કરી પોતાનું જીવન જ સમાપ્ત કરી લઉ. કે દક્ષથી છૂટાછેડા લઈને એમનાથી હંમેશા માટે અલગ થઈ જાઉં. મોક્ષા વિધિ! સૌથી મોટી ભૂલ તો તે તારા સાસુ-સસરાથી અલગ થઈને કરી છે. કયા કારણવશ તે આ બધું કર્યું અને અલગ થવા માટે તે તારા સાસુ-સસરાની સાથે કેવું વર્તન કર્યું એની બધી જાણકારી દક્ષે મને આપી દીધી છે. તું દક્ષને ખોટો સમઝીશ નહીં, એણે તો તારી ભલાઈ માટે જ આ બધુ કહ્યું છે વિધિ એ દિવસે ફોન ઉપર દક્ષનું છેલ્લું વાક્ય મને હજુ પણ યાદ છે. એણે મને કહ્યું હતું કે “મોક્ષા દીદી હું વિધિને બહુ જ પ્રેમ કરું છું અને એની ભલાઈ માટે હું એને ખોટા રસ્તે જવાથી રોકવા માગું છું. પ્લીઝ મોક્ષા દીદી મારી મદદ કરો.” વિધિઃ ભાભી ! હું સ્વીકાર કરું છું કે મેં જે કર્યું એ ખોટું કર્યું પણ તમે જ બતાવો હું શું કરું? આજના જમાનામાં કોઈનેય પણ સંયુક્ત કુટુંબમાં રહેવાનું પસંદ નથી આવતું. મને પણ કંઈક આવું જ મહસૂસ થયું. એમની દખલઅંદાજીને કારણે હું તંગ આવી ગઈ હતી. એ ઘરમાં હોય તો હું ક્યાંય પણ સ્વતંત્રતાથી હરી-ફરી શકતી નહોતી. પોતાની સહેલીઓની સાથે કિટી પાર્ટી કે શૉપિંગ ક્યાંય પણ નહોતી જઈ શકતી. મને એમની ઉપસ્થિતિ બહુ જ ખટકતી હતી. માટે મેં એમનાથી અલગ થવાનો નિર્ણય લીધો. અને અલગ થવા માટે મને જે લાગ્યું મેં કર્યું. મોક્ષા વિધિ! એ જ તો તારો વિચાર ખોટો છે. તે એ ઘરમાં દિકરી બનીને પોતાની મનમાની કરવા ચાહી. એ વાત સાચી છે કે સાસરીયામાં દિકરી બનીને રહેવું જોઈએ. પરંતુ તે દિકરી બનીને દિકરીના અધિકારોને સ્વીકાર કરી લીધા. પણ માતા-પિતાની સેવારુપ દિકરીના કર્તવ્યોને તે સ્વીકાર ન કર્યો. સાંભળ મારી સહેલી નિર્મળાની જ વાત તને સંભળાવું. નિર્મળાના લગ્નના દિવસે એના સસરાજીની તબિયત ખરાબ થઈ ગઈ. રાત્રે નિર્મળાના પતિ નિખિલની ઇચ્છા પોતાના પિતાજીની પાસે સૂવાની હતી. પણ એને ડર હતો કે ક્યાંક નિર્મળાનું દિલ તૂટી ન જાય. એટલામાં નિખિલના મનની પરિસ્થિતિને જાણીને નિર્મળાએ કહ્યું “નિખિલ ! પપ્પાની તબિયત ખરાબ છે. અને હવે અસ્વસ્થતા હોવાને
