Gatha Samaysara

Author(s): Hukamchand Bharilla
Publisher: Todarmal Smarak Trust

Page 105

९८
गाथा समयसार
1
जम्हा कम्मं कुव्वदि कम्मं देदि हरदि त्ति जं किंचि तम्हा उ सव्वजीवा अकारगा होंति आवण्णा ।। पुरिसित्थियाहिलासी इत्थीकम्मं च पुरिसमहिलसदि । एसा आयरियपरंपरागदा एरिसी दु सुदी ॥ तम्हाण को वि जीवो अबंभचारी दु अम्ह उवदेसे । जम्हा कम्मं चेव हि कम्मं अहिलसदि इदि भणिदं ।। जम्हा घादेदि परं परेण घादिज्जदे य सा पयडी । एदेणत्थेण किर भण्णदि परघादणामेत्ति ।।
म्हाण को वि जीवो वघादेओ अत्थि अम्ह उवदेसे । जम्हा कम्मं चेव हि कम्मं घादेदि इवि भणिदं ।। एवं संखुवएसं जे उ परूवेंति एरिसं समणा । तेसिं पयडी कुव्वदि अप्पा य अकारगा सव्वे ॥ अहवा मण्णसि मज्झं अप्पा अप्पाणमप्पणो कुणदि । एसो मिच्छसहावो तुम्हं एवं मुणंतस्स ।। अप्पा णिच्चोऽसंखेज्जपदेसो देसिदो दु समयम्हि ।
...
वि सो सक्कदि तत्तो हीणो अहिओ य कादुं जे ॥ जीवस्स जीवरूवं वित्थरदो जाण लोगमेत्तं खु । तत्तो सो किं हीणो अहिओ य कहं कुणदि दव्वं ॥ अह जाणगो दु भावो णाणसहावेण अच्छदे त्ति मदं । तम्हा ण वि अप्पा अप्पयं तु सयमप्पणो कुणदि ।
कर्म अज्ञानी करे अर कर्म ही ज्ञानी करे। जिय को सुलावे कर्म ही अर कर्म ही जाग्रत करे ॥ कर्म करते सुखी एवं दुःखी करते कर्म ही । मिथ्यात्वमय कर्महि करे अर असंयमी भी कर्म ही ॥