________________
પ્રશંસાને સહન નથી કરી શકતા, તેઓ પરલોકમાં ખૂબ નુકશાન પામે છે. જેમ કે પીઠ-મહાપીઠ મુનિઓ આ રીતે ઈર્ષ્યા કરીને બ્રાહ્મી-સુંદરી તરીકેનો સ્ત્રીનો અવતાર પામ્યા હતા.
દુષ્કર-દુષ્કરકારક – આ રીતે સ્થૂલભદ્રસ્વામીની યથાર્થ પ્રશંસાને સહન ન કરી તો સિંહગુફાવાસી મુનિ પતન પામ્યા. જ્યાં જ્યાં ઈર્ષ્યાની ઘટના છે, ત્યાં ત્યાં સિંહગુફાવાસી મુનિની ઘટના છે, ને ત્યાં ત્યાં પતનની ઘટના છે. પૂ.હરિભદ્રસૂરિ મહારાજાએ એક ગ્રંથના અંતે લખ્યું છે કે મારા આ ગ્રંથસર્જનથી જે પુણ્ય ઉપાર્જિત થયું હોય, તેનાથી દુનિયા ઈષ્યમુક્ત થઈ જાઓ.
શેઠ વિદેશ જઈ આવ્યા હતા. ગાડી એરપોર્ટથી ઘર તરફ જઈ રહી છે. શેઠાણી ખુશ છે, કારણ કે શેઠ ૫ લાખ કમાઈને આવ્યા છે. શેઠ નાખુશ છે, કારણ કે એમના મિત્રો ર૫ લાખ કમાયા છે.
ઈર્ષ્યાળુ પાસે પોતાની જુદી જ દુનિયા છે ને એ દુનિયામાં દર્દ અને ગમગીની સિવાય બીજું કશું જ નથી. છગન એની પત્નીને લઈને સાડીના સ્ટોરમાં ગયો. દુકાનદારે કહ્યું, “તમને કેવી સાડી જોઈએ ?' છગનની પત્નીએ કહ્યું, “પડોશણો સળગી ઉઠે તેવી.” સાડી શેના માટે ? શરીર ઢાંકવા કે બીજાનો જીવ બાળવા ?
પૂ. હરિભદ્રસૂરિ મહારાજા યોગદૃષ્ટિસમુચ્ચય ગ્રંથમાં કહે છે - માત્સર્યવિરોધૈ: - તમે ઈર્ષ્યાથી સંપૂર્ણપણે મુક્ત બની જાઓ. ઈર્ષાનો છાંટો ય તમારામાં રહેવા દેશો નહીં.
(૩) અવર્ણવાદ - નિંદા. ક્રિટિસિઝમ. મા નકામા કપડાં/કાગળ/ ઠીકરાથી બાળકની ગંદકી સાફ કરે છે, ને દુર્જન જીભ, તાળવા ને ગળાથી બીજાની ગંદકી સાફ કરે છે. દુર્જનના પક્ષમાં એક વાત વધુ છે કે તે અનેકગણો ગંદો થઈ જાય છે. પ્રશમરતિમાં પૂ.ઉમાસ્વાતિ મહારાજ કહે છે –
परपरिभवपरिवादा-दात्मोत्कर्षाच्च बध्यते कर्म । नीचैर्गोत्रं प्रतिभव-मनेकभवकोटिदुर्मोचम् ॥
ફીલિંગ્સ
