________________
અસાર સંસારમાં મારું મન નથી માનતું. બસ મને આશીર્વાદ સાથે આજ્ઞા આપો. ભાઈ, વિશેષ શું કહું? મને મારા ભાવિ ગુરૂએ સ્વપ્નમાં દર્શન દીધાં છે. મને ત્યાં લઈ જાઓ. મને ત્યાં જલદી બોલાવે છે.
ભાઈએ કહ્યું, ગુરૂનું નામ ખબર છે ? ત્યારે ચંદનબેને નામ અને ઠામ આપી દીધા. મારા ગુરૂ પૂજ્ય કેસરસૂરીશ્વરજી મ.સા છે, અને હાલ પાલીતાણામાં બિરાજે છે. ભાઈએ સાંભળીને તપાસ કરી તો ખરેખર સંવત ૧૯૮૨ની સાલ હતી, અને પૂજ્ય આચાર્યશ્રી તે સમયે પાલીતાણામાં હતા. ત્યારબાદ પૂજ્ય આચાર્યદેવ ભાવનગરઅમાવાદ-દહેગામ થઈને સંવત ૧૯૮૪માં વિસનગર ચાતુર્માસ બિરાજમાન હતા. તે સમયે દીક્ષાર્થી ચંદનબેનના ભાઈ ઝવેરી ચીમનલાલ હીરાલાલ પાલનપુરથી વિસનગર જઈને ચંદનબેનને દીક્ષા આપવા પાલનપુર પધારવા પૂજ્ય આચાર્યદેવ શ્રી વિજય કેસરસૂરીશ્વરજી મ.સા.ને વિનંતિ કરતા. તે વિનંતિ સ્વીકારી પૂજ્ય આચાર્ય ભગવંત તથા મહોપાધ્યાય શ્રી દેવવિજયજી વિગેરે તથા સાધ્વીજી અશકશ્રીજી મ. તથા સૌભાગ્યશ્રીજી મ. વિગેરે સમુદાય સાથે પાલનપુર પધાર્યા. દિક્ષા પ્રસંગે ઝવેરી રેવાચંદ ઉત્તમચંદભાઈ તરફથી અઠ્ઠાઈ મહોત્સવ કરવામાં આવ્યો. અને સંવત ૧૯૮પના કારતક વદી ૧૦ને ગુરૂવારે સવારે દીક્ષાનો ભવ્ય વરઘોડો ચઢાવવામાં આવ્યો. બેન ચંદન ચાર ઘોડાની બગીમાં બેસીને છૂટથી ત્યાં રૂપા-નાણા વિગેરેનો વરસીદાન કરી ગામ બહાર વરઘોડા સાથે આવી એક વાડીમાં સુંદર વૃક્ષની નીચે એકત્ર થયેલી માનવમેદની વચ્ચે પરમ પૂજ્ય આ. શ્રી વિજય કેસરસૂરીશ્વરજી મહારાજ સાહેબે દીક્ષા આપી અને બેન ચંદનનું નામ સાધ્વી જ્ઞાનશ્રીજી મ. રાખ્યું. તેમને સાધ્વીજી સૌભાગ્યશ્રીજીના શિષ્યા તરીકે જાહેર કરવામાં આવ્યાં.
ગામ પરગામના અનેક ભાવિકોની સમક્ષ આ દીક્ષા પ્રસંગ ઉજવાયો. પ્રભાવના આદિ ધર્મ કાર્યો પણ ઘણા સારા થયા. આ દીક્ષા પ્રસંગની સ્મૃતિમાં પરમ પૂજ્ય આચાર્યશ્રી કૃત “મહાવીર તત્વપ્રકાશ” નામનો સંસ્કૃત ગ્રંથ બેન ચંદનની દીક્ષા સ્મારક તરીકે છપાવવા તેમના ભાઈ ઝવેરી ચીમનલાલની ભાવના થવાથી તે પુસ્તક એમના તરફથી છપાવવામાં આવ્યું. જેમાં બેન ચંદનનો ફોટો તથા ટૂંક જીવનચરિત્ર પણ છપાવવામાં આવેલ.
૨૦ વર્ષની ભરયોવન વયે રત્નત્રયી પ્રાપ્તિ કરી ગુરૂઆશા-ગુરૂનિશ્રામાં અભૂત જ્ઞાન પ્રાપ્તિ સાથે. ચારિત્રનું પાલન કરતાં અનેક ગુણોના ધારક બન્યાં. ઉપદેશ દ્વારા અનેક આત્માઓને સાધનાના માર્ગે વાળનારા બની કેસરવાટીકાના ઘેઘૂર વડલા હેઠે પાંચ શિષ્યાઓના ગુરૂણી બની તેઓનો ઉદ્ધાર કર્યો. સા. સૂર્યયશાશ્રીજી, સા. વિનયશ્રી,
