Dashvaikalik Sutra

Author(s): Vijaykesharsuri
Publisher: Muktichandra Shraman Aradhana Trust

Page 9

હવે આ વિનય સંપન્ન જ્ઞાનાદિ રત્નત્રયી-શુદ્ધિથી યુક્ત છ આવકાય રક્ષક શ્રમણની ટૂંકમાં ઓળખાણ શું? તેમજ સહવર્તી સાથે રહેતા ગંભીરતાદિ ગુણો જાળવી કઈ રીતે ચલાવતા શીખવું ? અને સ્વસંયમની રક્ષા શી રીતે ધારવી ? તેની સુંદર પ્રરૂપણા ૧૦માં અધ્યયનમાં ૨૧ ગાથાથી કરેલ છે.
જ્યારે ભ્રાતૃ શ્રીયકને ભાવ દયાથી બેન સાધ્વીએ તપ કરાવ્યો, પણ ઉપવાસ કરતા મુનિ કાળધર્મ પામ્યાં, તે અંગેનું પ્રાયશ્ચિત લેવા જ્યારે સીમંધર પ્રભુ પાસે સાધ્વી (દેવી શક્તિથી) ગયા ત્યાં પ્રભુએ ૪ વસ્તુ આપી. તેમાં બે આચારાંગમાં ચૂલિકા તરીકે મૂકેલ છે, અને ૨ ચૂલિકા રતિ અને વિવિકતચર્યા અત્રે ૧૦ અધ્યયનનાં અંતે મૂકવામાં આવી છે.
આ ચૂલિકાઓ પતન પામતા મુનિ માટે ચમત્કારિક મંત્ર સદશ છે. સંયમમાં અતિ આનંદ, રતિ ઉપજાવનાર છે. માટે સાધકે નિત્ય ઓછામાં ઓછું આ બે ચૂલિકાઓ ગણી જવી.
ઘણા સમય પહેલા પૂ. યોગનિષ્ઠ આ. વિ. શ્રી કેસરસૂરીશ્વરજી મ.સા. એ આ ગ્રંથનું શાબ્દિક અનુવાદ તેમજ ભાવાર્થ લખેલ અને શા. હીરાચંદ કક્કલભાઈ અમદાવાદવાળા તરફથી પ્રગટ થયેલ સાધુ-સાધ્વીજીઓને ભેટ આપવામાં આવેલ. પણ ત્યાર પછી આ ગ્રંથ અલભ્ય થઈ ગયેલ.
આ કાળની અંદર આવા સરળ અનુવાદની ઘણી માંગ હોવાથી તેમજ ઉપયોગિતા નજરે પડવાથી આનું પુનઃ સંસ્કરણ પૂ. પરમોપકારી ગુરૂદેવ શ્રીમદ્ વિજય હેમપ્રભસૂરીશ્વરજી મ.સા.ની શુભ પ્રેરણાથી પ્રકાશિત કરવામાં આવેલ છે. સ્વર્ગસ્થ સાધ્વીરત્ન શ્રી જ્ઞાનશ્રીજી મ.ની સ્મૃતિમાં પ્રગટ થઈ રહેલ છે. તેમજ પ્રફ રીડીંગનું કાર્ય મુનિશ્રી વિજ્ઞાનપ્રભવિજયે કાળજી રાખી તપાસી આપેલ છે. તેમનો આ સહકાર સરાહનીય છે.
શ્રાવણ વદ ૫, ૩૧-૮-૯૮ મંગળવાર
લી. મુનિ ઉદયપ્રભ વિજયજી શ્રી પુરૂષાદાનીય પાર્શ્વનાથ જે. મૂ. પૂ. જૈન સંઘ C/o. શ્રી દેવકીનંદન જૈન સંઘ
અમદાવાદ