Chitta Samadhi Jain Yog

Author(s): Tulsi Acharya, Mahapragna Acharya
Publisher: Jain Vishva Bharati

Page 263

२५२
चित्त-समाधि : जैन योग ___ अह भंते ! ओग्गहे, ईहा, अवाए, धारणा-एस णं कतिवण्णा जाव कतिफासा पण्णत्ता ? गोयमा ! अवण्णा, अगंधा, अरसा, अफासा पण्णत्ता ।।
१२।११० आत्मशक्ति अपौद्गलिक है
___ अह भंते ! उट्टाणे, कम्मे, बले, वीरिए, पुरिसक्कार-परक्कमे–एस णं कतिवण्णे जाव कतिफासे पण्णत्ते ? गोयमा ! अवणे, अगंधे, अरसे, अफासे पण्णत्ते ।।
१२।१११ चंचलता
कतिविहा णं भंते ? चलणा पण्णत्ता ?
गोयमा ! तिविहा चलणा पण्णत्ता, तं जहा–सरीरचलणा, इंदियचलणा, जोगचलणा।।
१७।४३ सरीरचलणा णं भंते ! कतिविहा पण्णत्ता?
गोयमा ! पंचविहा पण्णत्ता, तं जहा-ओरालियसरीरचलणा जाव कम्मगसरीरचलणा ॥
१७।४४ इंदियचलणा णं भंते ! कतिविहा पण्णत्ता ? गोयमा ! पंचविहा पण्णत्ता, तं जहा-सोइंदिय चलणा जाव फासिदियचलणा ॥
१७४५ जोगचलणा णं भंते ! कतिविहा पण्णत्ता ? गोयमा ! तिविहा पण्णत्ता, तं जहा-मणजोगचलणा, वइजोगचलणा, कायजोगचलणा ।।
१७१४६ किया और अक्रिया
तए णं से तामली बालतवस्सी बहुपडिपुण्णाई सटुिं वाससहस्साइं परियागं पाउणित्ता, दोमासियाए संलेहणाए अत्ताणं झूसित्ता, सवीसं भत्तसयं अणसणाए छेदित्ता कालकासे कालं किच्चा ईसाणे कप्पे ईसाणवडेंसए विमाणे उवावायसभाए देवसयणिज्जंसि देवदूसंतरिए अंगुलस्स असंखेज्जइभागमेत्तीए ओगाहणाए ईसाणदेविंदविरहियकालसमयंसि ईसाणदेविदत्ताए उववण्णे ॥
३।४३ तए णं से ईसाणे देविंदे देवराया अहुणोववण्णे पंचविहाए पज्जत्तीए पज्जत्तिभावं गच्छइ, (तं जहा-आहारपज्जत्तीए जाव भासा-मणपज्जत्तीए)।
३।४४ तए णं ते बलिचंचारायहाणिवत्थ व्वया बहवे असुरकुमारा देवा य देवीओ य तामलिं बालतवम्सि कालगतं जाणित्ता, ईसाणे य कप्पे देविदत्ताए उववण्णं पासित्ता आसुरुत्ता रुट्ठा कुविया चंडिक्किया मिसिमिसेमाणा बलिचंचाए रायहाणीए मझमझेणं निग्गच्छंति, निग्गच्छित्ता ताए उक्किट्ठाए जाव जेणेव भारहे वासे जेणेव तामलित्ती नयरी जेणेव तामलिस्स बालतवस्सिस्स सरीरए तेणेव उवागच्छंति, वामे पाए संबेण बंधंति