________________
प्रश्नव्याकरण
२७१
विणिहय-सप्पिसल्लग-वाहिरोगपीलियं, विगयाणि य मयककलेवराणि, सकिमिणकुहियं च दव्वरासिं, अण्णेसु य एवमादिएसु अमणुण्ण-पावतेसु न तेसु समणेण रूसियव्वं न हीलियव्वं न निदियव्वं न खिसियव्वं न छिदियव्वं न भिदियव्वं न वहेयव्वं न दुगुंछावत्तिया व लब्भा उप्पाते।
एवं चक्खिदियभावणा भावितो भवति अंतरप्पा, मणुण्णाऽमणुण्ण-सुब्भि-दुब्भिरागदोस-पणिहियप्पा साहू मण-वयण-कायगुत्ते संवुडे पणिहितिदिए चरेज्ज धम्मं ॥
प्र० १०॥१५ ततियं-धाणिदिएण अग्धाइय गंधाति मणुण्ण भद्दगाई, किं ते ?
जलय-थलय-सरसपुप्फफलपाणभोयण-कोट्ठ-तगर-पत्त-चोय - दमणक-मरुय-एला-रसपिक्कमंसि-गोसीस-सरसचंदण-कप्पूर-लवंग-अगरु-कुंकुम-कक्कोल-उसीर-सेयचंदण - सुगंधसारंगजुत्तिवरधूववासे उउय-पिडिम-णिहारिम-गंधिएसु, अण्णेसु य एवमादिएसु गंधेसु मणुण्ण-भद्दएसु न तेसु समणेण सज्जियव्वं न रज्जियव्वं न गिज्झियव्वं न मुज्झियव्वं न विणिग्घायं आवज्जियव्वं न लुभियव्वं न तुसियव्वं न हसियव्वं न सति च मई च तत्थ कुज्जा ।
पुणरवि घाणिदिएण अग्घाइय गंधाणि अमणुण्ण-पावकाइं कि ते ?
अहिमड-अस्समड-हत्थिमड-गोमड-विग-सुणग-सियाल-मणुय- मज्जार-सीह-दीविय - मयकुहियविणट्ठकिविण- बहुदुरभि-गंधेसु, अण्णेसु य एवमादिएसु गंधेसु अमणुण्ण पावएसु न तेसु समणेण रूसियव्वं न हीलियव्वं न निदियव्वं न खिसियव्वं न छिदियव्वं न भिदियव्वं न वहेयव्वं न दुगुछा-वत्तिया व लब्भा उप्पाएउ ।
एवं घाणिदियभावणाभावितो भवति अंतरप्पा, मणुण्णाऽमणुण्णसुब्भि-दुब्भि-रागदोस-पणिहियप्पा साहू मण-बयण-कायगुत्ते संवुडे पणिहिइंदिए चरेज्ज धम्म ।
प्र० १०।१६ चउत्थं--जिभिदिएण साइय रसाणि उ मणुण्ण-भद्दकाइं, कि ते? ---
उग्गाहिम-विविहपाण-भोयण-गुलकय-खंडकय-तेल्लघयकय-भक्खेसु बहुविहेसु लवणरससंजुत्तेसु महुमंस-बहुप्पगारमज्जिय-निट्ठाणग - दालियंब-सेहंब-दुद्ध-दहि- सरय - मज्जवरवारुणी - सीहु-काविसायणक-साकट्ठारस-बहुप्पगारेसु भोयणेसु य मणुण्णवण्ण-गंध-रसफास-बहुदव्व-संभितेसु, अण्णेसु य एवमादिएसु रसेसु मणुण्ण भद्दएसु न तेसु समणेण सज्जियव्वं न रज्जियव्वं न गिज्झियव्वं न मुज्झियव्वं न विणिग्घायं आवज्जियव्वं न लुभियव्वं न तुसियव्वं न हसियव्वं न सइं च मइं च तत्थ कुज्जा।
पुणरवि जिभिदिएण साइय रसाति अमणुण्ण-पावगाई, किं ते ?
अरस-विरस-सीय-लुक्ख-णिज्जप्प-पाण-भोयणाई दोसीण-वावण्ण-कुहिय-पूइय-अमगुण्ण-विणट्ठ-पसूय-बहुदुब्भिगंधियाइं तित्त-कडुय-कसाय-अंबिल-रस-लिंडनीरसाई, अण्णेसु य एवमाइएसु रसेसु अमणण्ण-पावएसु न तेसु समणेण रूसियव्वं न हीलियव्वं न निदियव्वं न खिसियव्वं न छिदियव्वं न भिदियव्वं न वहेयव्वं न दुगुंछावत्तिया न लब्भा उप्पाएउं ।
Jain Education International
For Private & Personal Use Only
www.jainelibrary.org
