________________
२७२
चित्त-समाधि : जैन योग एवं जिभिदियभावणाभावितो भवति अंतरप्पा, मणुण्णाऽमणुण्ण-सुब्भि-दुन्भि-रागदोस-पणिहियप्पा साहू मण-वयण-कायगुत्ते संवुडे पणिहितिदिए चरेज्ज धम्मं ॥
प्र.१०।१७ पंचमगं-फासिदिएण फासिय फासाइं मणुण्ण-भद्दकाइं, किं ते ?
दगमंडव-हार-सेय-चंदण-सीयलविमलजल-विविहकुसुमसत्थर-ओसीर-मुत्तिय-मुणालदोसिणा पेहुणउक्खेवग-तालियंट-बीयणग-जणियसुहसीयले य पवणे गिम्हकाले, सुहफासाणि य बहूणि सयणाणि आसणाणि य, पाउरणगुणे य सिसिरकाले अंगार-पतावणा य आयवनिद्ध-मउय-सीय-उसिण-लहुया य जे उदुसुहफासा अंगसुह-निव्वुइकरा ते, अण्णेसु य एवमादिएसु फासेसु मणुण्ण भद्दएसु न तेसु समणेण सज्जियव्वं न रज्जियव्वं न गिज्झियव्वं न मूझियव्वं न विणिग्घायं आवज्जियव्वं न लुभियव्वं न अज्झोववज्जियव्वं न तुसियव्वं न हसियन्वं न सतिं च मतिं च तत्थ कुज्जा ।
पुणरवि फासिदिएण फासिय फासाति अमणुण्ण-पावकाई, किं ते? -
अणेगबंध-वह-तालणंकण-अतिभारारोहणए, अंगभंजण-सूईनखप्पवेस-गाय-पच्छणणलक्खारस-खारतेल्ल-कलकलतउसीसक-काललोहसिंचण - हडिबंधण- रज्जु-निगल - संकलहत्थंडय-कुंभिपाक-दहण-सीहपुच्छण-उब्बंधण - मूलभेय-गयचलणमलण- करचरणकण्णनासोट्टसीसछेयण - जिब्भंछण-वसणनयणहिययंत-दंतभंजण-जोत्तलयकसप्पहार-पादपण्हिजाणुपत्थरनिवाय - पीलण - कविकच्छु-अगणि-विच्छुयडक्क-वायातवदंसमसकनिवाते, 'दुटुणिसेज्जा दुनिसीहिया' कक्खडगुरु-सीय-उसिण-लुक्खेसु बहुविहेसु, अण्णेसु य एवमाइएसुफासेसु अमणुण्ण-पावकेसु न तेसु समणेण रूसियव्वं न हीलियव्वं न निदियव्वं न गरहियव्वं न खिसियव्वं न छिदियव्वं न भिदियव्वं न वहेयव्वं न दुगुंछावत्तियं च लब्भा उप्पाएउं ।
एवं फासिदियभावणा भावितो भवति अंतरप्पा, मणुण्णामणुण्ण-सुब्भि-दुब्भि-रागदोस-पणिहियप्पा साहू मण-वयण-कायगुत्ते संवुडे पणिहिति दिए चरेज्ज धम्मं ।।
प्र० १०॥१८
Jain Education International
For Private & Personal Use Only
www.jainelibrary.org
