Chitta Samadhi Jain Yog

Author(s): Tulsi Acharya, Mahapragna Acharya
Publisher: Jain Vishva Bharati

Page 281

२७०
चित्त-समाधि : जैन योग
अपरिग्रह तस्स इमा पंचभावणाओ चरिमस्स वयस्स होति परिग्गहवेरमण-रक्खणट्टयाए ।
प्र० १०११३ पढम-सोइंदिएण सोच्चा सद्दाइं मणुण्ण-भद्दगाइं, किं ते ?
वरमुरय-मुइंग-पणव-ददुर-कच्छभि-वीणा-विपंची वल्लयि-वद्धीसक-सुघोस - नंदिसूसरपरिवादिणी-वंस-तूणकपव्वक-तंती-तल-ताल-तुडियनिग्घोस-गीय वाइयाई, नड-नट्टकजल्ल-मल्ल-मुट्ठिक-लंबक-कहक-पवक-लासग-आइक्खक-लंख-मंख-तूणइल्ल - तुंबवीणियतालायर-पकरणाणि य, बहूणि महुरसर-गीत सुस्स राई, कंची-मेहला-कलाव-पतरक-पहेरकपायजालग-घंटिय-खिखिणि-रयणोरुजालय-छुद्दिय-नेउर-चलणमालिय-कणगनियल- जालगभूसणसद्दाणि, लीलचंकम्ममाणाणुदीरियाई, तरुणीजणहसिय-भणिय-कलरिभित-मंजुलाई, गुणवयणाणि य बहूणि महरजणभासियाई, अण्णेसु य एवमादिएसु सद्देसु मणुण्ण-भद्दएसु न तेसु समणेण सज्जियव्वं न रज्जियव्वं न गिभियव्वं न मुज्झियव्वं न विणिग्घायं आवज्जियव्वं न लुभियव्वं न तुसियव्वं न हसियव्वं न सइं च मई च तत्थ कुज्जा ।
पूणरवि सोइंदिएण सोच्चा सहाई अमणूण्ण-पावकाई, किं ते ?
अक्कोस-फरुस-खिसण-अवमाणण-तज्जण-निब्भंछण-दित्तवयण- तासण - उक्कूजिय-रडिय-कंदिय-निग्घुट-रसिय-कलुणविलविवियाई, अण्णेसु य एवमादिएस सद्देसु अमणुण्ण-पावएसू न तेसु समणेण रूसियव्वं न हीलियव्वं न निदियव्वं न खिसियव्वं न छिदियव्वं न भिदियव्वं न वहेयव्वं न दुगुंछावत्तिया व लब्भा उप्पाएउ ।
एवं सोतिदियभावणा भावितो भवति अंतरप्पा, मणुण्णाऽमणुण्ण-सुब्भि-दुब्भिरागदोस-पणिहियप्पा साहू मण-वयण-कायगुत्ते संवुडे पणिहितिदिए चरेज्ज धम्मं ॥
प्र० १०।१४ बितियं-चक्खुइंदिएण पासिय रूवाणि मणुण्णाई भद्दकाई, सचित्ताऽचित्तमीसकाइंकढे पोत्थे य चित्तकम्मे लेप्पकम्मे सेले य दंतकम्मे य, पंचहि वण्णेहि अणेगसंठाण-संठियाई, गंथिम-वेढिम-पूरिम-संघातिमाणि य मल्लाइं बहुविहाणि य अहियं नयण-मणसुहकराई, वणसंडे पव्वते य गामागरनगराणि य खुद्दिय-पुक्खरणि-वावी-दीहिय-गुंजालियसरसरपंतिय-सागर-बिलपंतिय-खातिय-नदि - सर-तलाग- वप्पिणी-फुल्लुप्पल-पउम-परिमंडियाभिरामे, अणेग सउणगण-मिहुण विचरिए, वरमंडव-विविहभवण-तोरण-चेतिय-देवकुलसभ-प्पवाहसह-सुकयसयणासण-सीय-रह-सगड-जाण-जुग्ग-संदण-नरनारिगणे य सोमपडिरूवदरिसणिज्जे, अलंकियविभूसिए, पुवकयतवप्पभावसोहग्गसंपउत्ते, नड-नगजल्ल-मल्ल-मुट्ठिय-वेलंबग-कहक-पवग - लासग - आइक्खग-लंख-मंख-तूणइल्ल-तुंबवीणियतालायर-पकरणाणि य बहूणि सुकरणाणि, अण्णेसु य एवमादिएसु रूवेसु मणुण्ण-भद्दएसु न तेसु समणेण सज्जियव्वं न रज्जियव्वं न गिझियव्वं न मुज्झियव्वं न विणिग्घायं आवज्जियव्वं न लुभियव्वं न तुसिय व्वं न हसियव्वं न सइं च मइं च तत्थ कुज्जा ।
पुणरवि चक्खिदिएण पासिय रुवाइं अमणुण्ण-पावकाइं, किं ते?-- गंडि-कोढिक-कुणि-उदरि कच्छुल्ल-पइल्ल-कुज्ज-पंगुल-वामण-अंधिल्लग-एगचक्खु