Chitta Samadhi Jain Yog

Author(s): Tulsi Acharya, Mahapragna Acharya
Publisher: Jain Vishva Bharati

Page 272

भगवई
२६१
३१२१८
गोयमा ! मायी विकुव्वाइ, नो अमायी विकुब्वइ ॥ मायी णं भंते ! तस्स ठाणस्स अणालोइयपडिक्कते कालं करेइ, कहिं उववज्जइ ? गोमा ! अण्णयरेसु आभियोगिएसु देवलो गेसु देवत्ताए उववज्जइ ॥ ३।२१६ अमायी णं भंते ! तस्स ठाणस्स आलोइय-पडिक्कते कालं करेड़, कहि उववज्जइ ? गोमा ! अण्णयसु अणाभियोगिएसु देवलोएसु देवत्ताए उववज्जइ ॥ ३।२२०
केवली
केवली णं भंते! अस्ति समयंसि जेसु आगासपदेसेसु हत्थं वा पायं वा बाहं वा ऊरुं वा ओसाहित्ताणं चिट्ठति, पभू णं केवली सेयकालंसि वि तेसु चेव आगासपदेसेसु हत्थं वा पायं वा बाहं वा ऊरुं वा ओगाहित्ताणं चिट्ठित्तए ?
गोयमा ! णो तिणट्ठे समट्ठे ॥
५।११०
से केणट्ठेणं भंते ! एवं वच्चइ - केवली णं अस्सि समयंसि जेसु आगासपदेसेसु हत्थं वा पायं वा बाहं वा ऊरुं वा ओगाहित्ताणं चिट्ठति, णो णं पभू केवली सेयकालंसि वि तेसु चेव आगासपदेसेसु हत्थं वा पायं वा बाहं वा ऊरुं वा ओगाहित्ताणं णं चिट्ठित्तए ?
गोयमा ! केवलिस्स णं वीरिय-सजोग-सद्दव्वयाए चलाई उवकरणाई भवंति | चलोवकरणट्टयाए य णं केवली अस्सि समयंसि जेसु आगासपदेसेसु हत्थं वा पायं वा बाहं वा ऊरुं वा ओगाहित्ता णं चिट्ठति, णो णं पभु केवली सेयकालंसि वि तेसु चेव आगासपदेसेसु हत्थं वा पायं वा बाहं वा ऊरुं वा ओगाहित्ताणं चिट्टित्तए । से तेणट्ठेणं गोयमा ! एवं वुच्चइइ - केवली णं अस्सि समयंसि जेसु आगासपदेसेसु हत्थं वा पायं वा बाहं वा ऊरुं गाहित्ताणं चिट्ठति णो णं पभू केवली सेयकालंसि वि तेसु चेव आगासपदेसेसु हत्थं वा पायं वा बाहं वा ऊरुं वा ओगाहित्ता णं चिट्टित्तए ||
५।१११
केवली णं भंते ! आयाणेहि जाणइ - पासइ ? गोयमा ! णो तिट्ठे समट्ठे ॥
५।१०८
से केणट्ठेणं भंते ! एवं वुच्चइ - केवली णं आयाणेहिं, ण जाणइ, ण पासइ ? गोयमा ! केवली णं पुरत्थिमे णं मियं पि जाणइ, अमियं पि जाणइ । एवं दाहिणे णं, पच्चत्थिमे णं, उत्तरे णं, उड्ड, अहे मियं पि जाणइ, अमियं पि जाणइ ।
सव्वं जाणइ केवली, सव्वं पासइ केवली ।
सव्वओ जाणइ केवली, सव्वओ पासइ केवली । सव्वकालं जाणइ केवली, सव्वकालं पासइ केवली । सव्वभावे जाणइ केवली, सव्वभावे पासइ केवली । अणते ना केवलिम्स, अणते दंसणे केवलिस्स ।
निव्वुडे नाणे केवलिस्स निव्वुडे दंसणे केवलिस्स । से तेणटुणं गोयमा ! एवं
वुच्चइ - केवली णं आयाणेहिं ण जाणइ, ण पासइ ||
५।१०६
केवली णं भंते ! भासेज्ज वा ? वागरेज्ज वा ? हंता भासेज्ज वा, वागरेज्ज वा ॥
१४) १४२