Chitta Samadhi Jain Yog

Author(s): Tulsi Acharya, Mahapragna Acharya
Publisher: Jain Vishva Bharati

Page 278

प्रश्नव्याकरण
२६७
लुद्धो लोलो भणेज्ज अलियं कंबलस्स व पायपुंछणस्स व कएण । लुद्धो लोलो भणेज्ज अलियं सीसस्स व सिस्सिणीए व कएण ।
अण्णेसु य एवमादिएसु बहुसु कारणसतेसु लुद्धो लोलो भणेज्ज अलियं, तम्हा लोभो न सेवियवो।
एवं मुत्तीए भाविओ भवति अंतरप्पा, संजय-कर-चरण-नयण-वयणो सूरो सच्चज्जवसंपण्णो ।।
प्र० ७११६ ___ चउत्थं-न भाइयव्वं । भीतं खु भया अइंति लहुयं, भीतो अबितिज्जओ मणूसो, भीतो भूतेहिं व घेपेज्जा, भीतो अण्णं पि हु भेसेज्जा, भीतो तव-संजमं पि हु मुएज्जा, भीतो य भरं न नित्थरेज्जा, सप्पुरिसनिसेवियं च मग्गं भीतो न समत्थो अणुचरिउं । तम्हा न भाइयव्वं भयस्स वा वाहिस्स वा रोगस्स वा जराए वा मच्चुस्स वा अण्णस्स च एवमादियस्स।
एवं धेज्जेण भाविओ भवति अंतरप्पा, संजय-कर-चरण-नयण-वयणो सूरो सच्चज्जवसंपण्णो ।।
प्र० ७।२० पंचमक-हासं न सेवियव्वं । अलियाई असंतकाई जंपंति हासइत्ता। परपरिभवकारणं च हासं, परिपरिवायप्पियं च हासं, परपीलाकारगं च हासं, भेदविमुत्तिकारकं च हासं, अण्णोण्णजणियं च होज्ज हासं, अण्णोण्णगमणं च होज्ज मम्मं, अण्णोण्णगमणं च होज्ज कम्म, कंदप्पाभिओगगमणं च होज्ज हासं, आसुरियं किव्विसत्तं च जणेज्ज हासं, तम्हा हासं न सेवियव्वं । ____ एवं मोणेण भाविओ भवइ अंतरप्पा, संजय-कर-चरण-नयण-वयणो सूरो सच्चज्जवसंपण्णो ।
प्र० ७।२१ अस्तेय
तस्स इमा पंच भावणा ततियस्स वतस्स होंति परदव्वहरणवेरमण-परिरक्खण?याए॥
प्र० ८१८ पढमं-देवकुल-सभ-प्पवा-आवसह-रुक्खमूल-आराम-कंदरा-आगर-गिरिगुह-'कम्मंतउज्जाण'-जाणसाल-कुवितसाल-मंडव-सुण्णघर-सुसाण-लेण-आवणे, अण्णंमि य एवमादियंमि दगमट्टिय-बीज-हरित-तसपाण-असंसत्ते अहाकडे फासुए विवित्ते पसत्थे उवस्सए होइ विहरियव्वं ।
आहाकम्म-बहुले य जे से आसित्त-संमज्जिओसित्त-सोहिय-छायण-दुमण-लिंपण-अणुलिंपण-जलण-भंडचालण अंतो बहिं च असंजमो जत्थ वट्टती, संजयाण अट्ठा 'वज्जेयव्वे हु उवस्सए' से तारिसए सुत्तपडिकुठे ।
एवं विवित्तवासवसहिसमितिजोगेण भावितो भवति अंतरप्पा, निच्चं अहिकरणकरण-कारावण-पावकम्मविरते दत्ताणुण्णाय ओग्गहरुई ।।
प्र० ८ बितियं-आरामुज्जाण-काणण-वणप्पदेसभागे जं किंचि इक्कडं व कढिणगं व जंतुगं व 'परा-मेरा'-कुच्च-कुस-डब्भ-पलाल-मूयग-वल्लय-पुष्प-फल-तय-प्पवाल-कंद-मूल-तण-कटू